品香樓中西風味餐廳

營業中

休息中

一講南山邨一定知呢間品香樓 番親學同練完波都一定會幫襯品香 而家畢咗業喇 黎南山邨既機會少咗 但咁岩黎開附近就去品香回味下啦去食下午茶 街坊價位 炒粉麵又大大碟 就黎一份黑椒牛柳絲炒烏冬 加凍朱古力啦!!!大家記得一定要嗌凍朱古力呀 事關凍朱古力係品香嘅招牌飲品 出名香、濃、滑 絕對唔係加水加到淡 或者多奶多到冇哂朱古力味既飲品 可惜只有晚市既凍朱古力先會加忌廉 加埋忌廉既凍朱古力又係另一個層次 係更加好味啊!!!!呢份就係我食既下午茶喇 黑椒牛柳絲炒烏冬 大份足料又夠鑊氣 而凍朱古力就梗係冇得頂啦順帶一提 每個坐位都有私家鐘 由於店面大 而家只要咁一下鐘 店員就會到 就唔怕俾店員睇漏眼漏咗/ 舉手舉勁耐都冇人理啦 六點後埋單都記得係要咁鐘叫店員 唔好自己衝出去呀