八幡屋涮涮鍋

營業中

休息中

近排碌社交平台成日見到依間店，講到一個價錢吃曬邊爐魚生，今日就專登約左個朋友一探究竟。聽店員講解原來依加D4做緊半價，人均4xx就可以吃佢最推既 A4和牛同埋龍蝦。 原來首先會上左個雞煲先，要再翻炒一陣先食得。炒個時已經聞到好香，吃落雞件好滑，雖然叫左唔辣但都好惹味，唔錯。 打邊爐湯底都有差唔多10款，今日就試佢個豬骨湯，奶白色既湯底都幾濃。最期待既肉黎啦！紋路非常靚，特別係A4日本黑毛和牛，吃落牛香味勁濃，仲有生蛋拌黎食，更加滑。 另外仲有澳洲M5和牛，美國進口牛肉 ，牛肩胛都係非常唔錯既選揀，岩曬食肉獸。佢既豬都唔錯豚腩片，黑豚肉都係好靚仔既。 另外都叫左海鮮類，魚生無得輸，厚切得黎又新鮮，個人最中意帶子，係鮮甜既。而D4餐主打既龍蝦真係爆膏，唔係擔心膽固醇既話會一直甘叫！大大舊龍蝦肉，彈牙，一口落去真係大滿足。 最後都試左少少燒物，大推金菇肥牛卷，好香好惹味。雪糕係 haggen Dazs，正。 整體黎講性價比非常高，比酒店既自助餐更好。特別係佢依加做緊半價，一個價錢吃曬海陸空，值得一試。