壹號餐廳

營業中

休息中

屯門一向都多野食，今日難得入到黎搵姊妹，中午時間就黎佐壹號餐廳試下。雖然係普通茶餐廳裝修，但勝在環境都好乾淨，唔會坐得好唔舒服。🍅🐷招牌鮮茄焗豬扒飯一上枱已經聞到好香，豬扒超級大塊，蕃茄都有好多，每舊都大大舊，焗飯面頭鋪滿芝士，焦香既芝士直情半溶拉絲，超香超正，豬扒好嫩，唔會鞋口，啲飯本身有炒過，已經有味，成個焗飯超好食，好正呀！🥚🍚原條鰻魚滑蛋飯一黎到見到條鰻魚就要打卡先，真係原條鰻魚，又厚肉又大條，好肥美，鰻魚肉好嫩好好食，炒蛋當然都好出色，滑蛋鋪滿白飯，半熟既滑蛋充滿蛋汁，全部滲晒落啲飯入面，每一啖飯都好香，而鰻魚上面仲有紫茶碎同芝麻碎，令味道更豐富更好食😋呢度連凍奶茶都好出色好好飲！