桃園制作粥麵餐廳 (迎海薈) (已結業)

今日約了住喺馬鞍山的朋友喺呢度食午餐交收我送給佢嘅禮物，點左以下菜式分享👇1. 糖心蛋鹵肉豬扒飯 - 同上次來食一樣咁好食，糖心煎蛋做得比很多地方好，鹵肉濃味得黎不太鹹，豬扒醃得香和好味而鹹度適中，$59，加$3點了餐飲凍奶茶少甜，朋友都話凍奶茶好飲。2. 梅菜蒸鯇魚飯- 有三件豆腐卜墊在五件鯇魚腩㡳，梅菜用料頭精製過，特別香及好味，蒸魚的豉油一絕，比起李錦記蒸魚豉油更好味，加$3要了餐飲凍檸茶少甜，味道都ok。侍應生比多一隻碟仔俾我哋裝魚骨。呢度啲白飯有非常之少黑色的藜麥撈埋一齊煮，所以咬落去有少少爆口，幾得意下！但係由於菜式濃味，不知不覺食了超過一碗白飯，飽到上心口！呢度啲碟頭飯大到可能有兩碗，朋友話以後要叫小飯先得。