山田家

營業中

休息中

因為餐廳位置不是太明顯，所以唔經過都唔知開左一間新的日本餐廳，門面睇落唔錯，但餐廳座位較少，午飯時間來到都要等，因為店員冇派飛等位，所以等位時有點混亂，這一部分有待改善，可能因為新開的關係，等了大約半小時才有位。午餐都有好多選擇，價錢不算貴，份量都正常的。K1盛手握壽司烏冬套餐有7款壽司，另加一碗迷你烏冬，壽司有三文魚、吞拿魚、牡丹蝦、北寄貝等，款式組合唔錯，都幾新鮮，烏冬湯底鮮甜，有粟米和昆布，烏冬煮得很彈牙。