茶木‧台式休閒餐廳 (屯門市廣場1期)

營業中

休息中

午餐時間，時間尚早，好多餐廳都未有人，行過茶木門口見到有杯新飲品吸引到我，作為一個芒果控，見到有芒果冰沙🤤🤤🤤，愛文芒果做唔知咩味🤔。入去就點左紅燒牛頰肉面，肉質比較軟，好軟patpat既感覺，下次都係揀返紅燒牛肉麵，一路以嚟都係食開呢個經典牛肉麵，因為唔會太差，無諗過今次牛頰肉麵咁麻麻。杯愛文芒果冰沙，面頭有好多果肉，可能我鐘意呂宋芒，感覺杯飲品味道爭少少。埋單大約108元。茶木其實都保持得幾好，係今次食物唔適合，唔係做得唔好。