西貢越南真味

營業中

休息中

✨ 今日又同友人A覓食啦，今次近近地去屋企樓下食個越南菜🇻🇳。西貢越南真味好似間茶餐廳咁，除咗越南菜，仲可以食吓一啲香港菜式。✨ 餐牌✨ 蕃茄牛腩飯👧🏻 朋友A怕辣所以嗌咗個蕃茄飯。牛腩炆得好稔好入味，脂肪唔算多。而蕃茄汁好夠稠，仲有茄肉喺入面添！✨ 半生熟牛肉湯粉👧🏻 小妹就嗌咗個湯粉食。先講下湯底，飲落口唔會好口渴都唔會好鹹，味道適中。而河粉唔會好黏口，牛肉易都切到好薄，好易入口。✨ 香茅雞翼👧🏻 我地見做梗優惠所以嗌咗個做小食，果然香茅味十足，唔失望！✨ 青檸梳打✨越南冰咖啡👧🏻 小妹見佢咁得意就加錢飲呢杯咖啡，除咗好飲得黎，仲好好玩添。先可以睇住佢慢慢滴啲咖啡落個裝好煉奶嘅杯，然後攪勻再加冰。雖然份量唔多，但係過下手癮係一流咖。