元気寿司 (都會駅)

營業中

休息中

店面積唔算大，一般係迴轉枱，卡位得幾張，小朋友想拎到列車送嚟個餐，一般卡位比較方便，佢哋見到架列車送餐過嚟，再幫到手拎嘢食，會好開心。午後之選，比起晚市同午餐，真係比較抵食！尤其阿仔，好鍾意食佢個烏冬，我鏗魚湯底清甜又好味，烏冬又彈牙，我自己都鍾意食。C餐有甜粟米軍艦、炸蝦卷，皇帝蟹柳壽司、厚燒玉子同熟蝦壽司。炸蝦卷最好味，炸蝦鬆脆彈牙，同外層外層飛魚子一齊食，好夾！厚燒玉子不過不失，蛋略嫌較甜;皇帝蟹柳同熟蝦壽司無乜特別。芝士薯條炸得香脆，點芝士醬食一流！D餐有炙燒珍寶燒蟹柳，蟹柳夠大條，啖啖肉; 燒汁牛肉燒汁，牛肉好入味;炙燒黑椒三文魚，黑椒味唔重，D魚肉半生熟，加埋沙律醬食，好味！蒲燒饅魚無骨，加汁食，突出個魚味。厚燒玉子不過不失，都係蛋較甜！個八爪魚丸熱辣辣上枱，外層香脆，內層蛋漿剛剛熟，唔會太硬，好味！每個餐都有壽司、小食同輕食，價錢60幾，都算抵食。