影片
更多
2023-01-30
90 瀏覽
應朋友邀約嚟旺角朗豪坊聚舊，順道互相拜年。友人愛吃烤肉，所以特意選了這間主打無煙燒肉嘅韓式燒肉放題專門店。餐廳裝潢富現代感，以獨特及新潮嘅實驗室作設計，加上店舖用創新手法，將西式元素混合韓燒，利用鮮果及果汁製作不同醬料，配搭新穎，令人期待。我哋點咗個午市任食 Supreme Set ($298)，個套餐陣容好豐富，提供多款精選牛部位，另外仲有豬肉、雞肉、海鮮、熟食、蔬菜、甜品及飲品等，選擇多籮籮！點完餐後，店員會隨即送上牛五花及全牛拼盤各一碟，讓客人淺嚐，之後就可以按個人喜好自行加單。牛板腱肉質軟嫩帶彈性，入口香甜多汁，中間透明嘅嫩筋嚼勁十足，食落Q彈有層次。牛肩肉同牛脊肉嘅肉味亦非常濃郁，加上油分適中，入口即溶。安格斯一口牛肉質細嫩，略帶油花，燒香後唔使點任何醬汁吃，已非常美味。另外厚切牛舌都好正，外形飽滿，色澤粉嫩，完全不帶羶味，燒至 8 成熟就食得。以圓碟另上嘅韓式梨汁牛五花，賣相亦超吸引，肉質肥瘦相間，脂肪分佈平均，送上時已切成薄片，加上用咗梨汁醃製，食落甜甜地，帶有牛肉鮮味。另外仲點咗柚子豬頸肉同香蔥豬梅花肉，豬頸肉爽脆彈牙，入口帶柚子醬微酸；而豬梅花亦口感鬆化富肉香。海鮮方
應朋友邀約嚟旺角朗豪坊聚舊，順道互相拜年。友人愛吃烤肉，所以特意選了這間主打無煙燒肉嘅韓式燒肉放題專門店。
餐廳裝潢富現代感，以獨特及新潮嘅實驗室作設計，加上店舖用創新手法，將西式元素混合韓燒，利用鮮果及果汁製作不同醬料，配搭新穎，令人期待。
我哋點咗個午市任食 Supreme Set ($298)，個套餐陣容好豐富，提供多款精選牛部位，另外仲有豬肉、雞肉、海鮮、熟食、蔬菜、甜品及飲品等，選擇多籮籮！
點完餐後，店員會隨即送上牛五花及全牛拼盤各一碟，讓客人淺嚐，之後就可以按個人喜好自行加單。
牛板腱肉質軟嫩帶彈性，入口香甜多汁，中間透明嘅嫩筋嚼勁十足，食落Q彈有層次。牛肩肉同牛脊肉嘅肉味亦非常濃郁，加上油分適中，入口即溶。
安格斯一口牛肉質細嫩，略帶油花，燒香後唔使點任何醬汁吃，已非常美味。另外厚切牛舌都好正，外形飽滿，色澤粉嫩，完全不帶羶味，燒至 8 成熟就食得。
以圓碟另上嘅韓式梨汁牛五花，賣相亦超吸引，肉質肥瘦相間，脂肪分佈平均，送上時已切成薄片，加上用咗梨汁醃製，食落甜甜地，帶有牛肉鮮味。
另外仲點咗柚子豬頸肉同香蔥豬梅花肉，豬頸肉爽脆彈牙，入口帶柚子醬微酸；而豬梅花亦口感鬆化富肉香。
海鮮方面，有廣島蠔、魷魚、虎蝦同蜆等，全部食材都好新鮮，廣島蠔大隻肥美、而虎蝦亦厚實富彈性，鮮味甘甜。
另外餐廳設有自助吧，有韓式伴菜、沙律、炸物、蔬菜、棉花糖同布朗尼等供應。好耐無食過燒棉花糖，將外皮烤至微微帶脆，配上融化燙口嘅中心，令人無法抗拒。
個套餐仲包埋飲品，有可樂同 6 款梳打供應，全部都可以任飲，非常超值！
張貼
