肉多多火鍋

我們在銅鑼灣想打個邊爐，在糖街有間叫肉多多火鍋店，有一人午市火鍋套餐，+$28 肉量升級 50%，仲抵過散叫，呢個套餐只限星期一至五。我們叫左兩個湯底，寶島沙茶湯勁香濃花生味，喜歡呢個湯底很夾牛肉，少許辣又惹味，而精力藥膳湯有紅棗杞子當歸，滋補又香甜，煲滾後真係要嘆碗頭啖湯。頂級低脂牛是牛板腱，脂肪比例較少，食起來牛味很香濃，我哋增量就增在頂級霜降牛，油脂分佈較密，唔算太多肥油，口感柔滑。對於綠油油的景色，打個邊爐，真係好寫意。個餐仲有主食，粉麵都有唔少選擇。我們+$5 有罐可樂，仲有自助區，有不同的小食，糖水，醬料。糖水是冰涼的古早冬瓜茶，微甜解渴透心涼，仲有配料，例如：仙草，芋圓，愛玉。食完火鍋，每人都有一杯雪糕，真係好飽足。