神戶屋日韓放題

營業中

休息中

是日同朋友黎左旺角食放題，book左神戶屋，貪佢午市可以食六個鐘，慢慢食傾下偈都得。平日$229/位，星期五六日要加廿蚊，呢個價位都屬好平了，任飲任食喎。見好多人話佢啲刺身唔得，我食呢日又幾好喎。入座就有個刺身併盤，我見枱枱都砌得好靚，打卡一流～味道正常發揮，無雪味無腥，仲厚切添，正呀。壽司款式幾多，軍艦，火灸等，細細件方便一口一件。其他熟食，炸物等都幾好味，即刻炸好熱㗎，甜品有朱古力布朗尼，燒菠蘿，炸榴槤波波同雪糕雪條任食，雪糕雪條大部份係韓國樂天牌。飲品有多款無糖茶，汽水，果汁，連教主隻ooha都有呀。全日無漏單，上菜快，份量黎足，抵食無投訴！