新南苑私房菜 (已結業)

放假同朋友出尖沙咀行街，行到又餓又熱，朋友介紹去 #新南苑私房菜 醫下肚原來呢間餐廳有午市打邊爐/丼飯，晚市又有雞煲／鴨血任食，好吸引！今次試下佢個午市丼飯先😆🍣🍱三文魚便當盛盒 $88加洲卷包住紫菜、蟹柳、青瓜🥒同埋雞蛋，表面灑上橙紅色既蟹籽，口感豐富。三文魚太卷其實同加洲卷相類似，主要多左三文魚！多左份魚油香味，柔軟口感，層次再度提升。另外，仲有青瓜蟹籽沙律，十分清新。新南苑金箔刺身丼 $128賣相好吸引，食落都相當唔錯。三文魚口感柔軟嫩滑，油脂豐盈。油甘魚肉質較為緊實，口感彈牙，帶有淡淡既鮮甜味。赤海蝦肉質鮮甜，口感爽彈。帶子大大粒，肉厚而且十分鮮味。吞拿魚口感軟滑，筋少而脂肪多，魚味濃郁。海膽完全冇腥味，仲幾鮮甜，齒頰留香。一啖飯一啖刺身，大大碗超滿足呀。雜錦粒粒角切魚身丼 $68油份充足既魚生粒粒舖係飯面上，可以一次過試多款剌身，魚生新鮮，滑嫩清爽得黎又有口感！下次夜晚黎試下佢個雞煲先🤩！