喜萬年酒樓

營業中

休息中

同公司同事飲茶，去黎去去都係附近幾家相熟o既酒樓，「喜萬年」搬咗黎英皇中心咁耐因為難搵位，所以一直都未幫襯過。今朝早諗住撞吓彩，睇吓打唔打到電話訂枱啦，竟然一切順理 ，十二點九到步仲有幾張吉枱剩添。比起舊舖，新店樓底較矮，而且好迫，未坐滿客人已經好嘈吵。餐桌上o既枱布光鮮，餐具齊全，可惜服務生欠缺熱誠，呈上食物及收取不潔碗碟時都平平棚棚 ，態度唔多願做咁，令年長o既同事都大為反感 。酒樓下午茶有優惠，斷估都唔係趕住落場呀，難度四人真係咁唔受歡迎 ？！定亦或係嬲我地冇叫套餐食呢？！時間有限，大家以九秒九極速剔好點心，食物不到十分鐘亦續一呈上 。 蜂巢五香芋角（$33）：和暖o既芋角個餡心還可以，但層炸皮又乾又硬，唔得鬆化 ，不吃也吧！ 香煎蘿蔔糕（$30）：蘿蔔糕入面有粒粒蘿蔔條 ，軟潤味濃，如果可以再煎燶少少就更加完美。 蟹籽燒賣皇（$38）：燒賣肥厚得黎好富彈性，屬安全之選。 蜜汁叉燒包（$18）：叉燒包蜜汁味欠奉，而且唔夠肉汁，加上包身偏硬，唔夠鬆軟，教人失望萬分 。 鴛鴦臘腸卷（$33）：臘腸同膶腸心都尚算正常，不過整個卷唔夠新鮮熱辣。 豉椒味菜鮮魷炒