影片
更多
2009-05-27
28 瀏覽
千両幫你加餸!!!估唔到堂堂一間位於中環 IFC 嘅餐廳都有幫客人係收據加餸嘅習慣，真係令人好失望。話說尋日同好友二人喺 IFC 千両食晚飯，埋單嘅時候掛住傾計無 check 單就簽名。一來係該餐廳常客，每個月至少去四次，二來完全無諗過堂堂一間大型連鎖壽司店會幫客人加餸。明明無食過「日本炸蠔」（最後一項），臨尾趁我地唔為意偷偷追加一碟。發現「加餸事件」後，同友人數嚟數去都淨係數到食咗 7碟野（並無單據上嘅 8碟）。留意單據係以價錢大小輸入，所以唔係打錯，係最後有意加落去。（好激氣！）如果唔係今朝搭車無意中翻睇到張單，真係唔咁相信連千両都會咁做。等我重成日幫襯。雖然只係區區＄40，但係咁嘅服務質素真係好有問題，就算經濟唔好都唔洗咁。無可否認千両啲壽司係好好味，如果唔係都唔會成去。今日純粹想提醒各位朋友以後去千両食飯記住要睇單，因為依家啲食肆真係乜都做得出。
千両幫你加餸!!!
估唔到堂堂一間位於中環 IFC 嘅餐廳都有幫客人係收據加餸嘅習慣，真係令人好失望。
話說尋日同好友二人喺 IFC 千両食晚飯，埋單嘅時候掛住傾計無 check 單就簽名。一來係該餐廳常客，每個月至少去四次，二來完全無諗過堂堂一間大型連鎖壽司店會幫客人加餸。
明明無食過「日本炸蠔」（最後一項），臨尾趁我地唔為意偷偷追加一碟。發現「加餸事件」後，同友人數嚟數去都淨係數到食咗 7碟野（並無單據上嘅 8碟）。留意單據係以價錢大小輸入，所以唔係打錯，係最後有意加落去。（好激氣！）
如果唔係今朝搭車無意中翻睇到張單，真係唔咁相信連千両都會咁做。等我重成日幫襯。
雖然只係區區＄40，但係咁嘅服務質素真係好有問題，就算經濟唔好都唔洗咁。無可否認千両啲壽司係好好味，如果唔係都唔會成去。
今日純粹想提醒各位朋友以後去千両食飯記住要睇單，因為依家啲食肆真係乜都做得出。
張貼
