Morocco's

營業中

休息中

一直都唔知長洲有呢間食摩洛哥、印度菜、泰菜既餐廳，一班人入去玩，行過海旁是但book左呢間餐廳，點知原來係隱世美味食店，食完超滿足！叫左個四至五人餐，再加左d小食，全部都大大份，個個都食到好飽！好抵食！唔記得印度薄餅係跟餐定單點，但都幾好味，薄薄脆脆，會跟埋個青bb既薄荷醬，個醬就未必人人鍾意，但點其他咖哩就好好味👍🏻最深刻就係蒜蓉包（其實係印度厚版薄餅），好香蒜蓉蔥油味，但食落一d都唔肥膩，係因為太厚而飽肚😆加埋個咖哩真係無得頂！一定要order呢個小食！仲有冬蔭功湯，用個細爐上，保證熱辣辣，超級足料，有齊基本香料同海鮮，酸尾尾好開胃，但都幾辣😂飲一碗都夠皮～羊肉串燒（另外可揀豬肉/雞肉）唔係普通幾舊肉串住黎燒，而係攪碎d肉再整到一條條先燒，所以食落去d肉係好鬆軟，羊肉仲一d都唔腥！印尼炒飯超大碟，仲要加隻蛋同肉鬆，炒得好香，粒粒飯都好乾身！個餐仲包埋炒芥蘭，同幾杯特飲（推介fruit punch），真係幾抵食😀