影片
更多
2023-09-12
277 瀏覽
第一次嬲到寫openrice 食評！大大話話都食過 數間Fine dining, 覺得主廚&廚師俾心機整食物&搵食材, 比貴少少錢都係尊重番佢地！覺得佢地食材冇尊重食客, 只好比差評👎🏼廚師, 廚藝同擺盤 都可接受, 但食材唔好又點可以逆轉難食事實 先講價錢, Fine dining 1200hkd/1人, 老老實實 唔算貴, 但咁既食物質素唔值！！唔推介任何生日, 紀念日, 重要日子去食, 食完不但冇曬心情 而且係嬲🤬🤬🤬其實加多幾舊水, 食到米芝蓮一星 fine dining, 大家唔好偷雞唔成蝕渣米！本次消費- Junon Tasting menu 首先, 麵包&牛油, 一上到枱就立即食, 係凍！麵包色香味皆冇！！心諗都知 今餐 fine dining 質素😢之後, 三文魚&三文魚子配魚柳包醬作為餐前小食, 同麵包 差唔多同時來可以理解！但唔夠一分鐘又黎多個 Appetiser, 元貝他他, 成張枱都係野😲 見到眼都突埋出黎, 忍唔住講左聲 ‘唔該, 可唔可以上菜慢少少’ 三文魚質素 - 爭鮮貨仔元貝他他質素- 急凍貨再來Appetiser, 鴨胸配豆蓉, 不予置評, uncla
大大話話都食過 數間Fine dining, 覺得主廚&廚師俾心機整食物&搵食材, 比貴少少錢都係尊重番佢地！覺得佢地食材冇尊重食客, 只好比差評👎🏼廚師, 廚藝同擺盤 都可接受, 但食材唔好又點可以逆轉難食事實
先講價錢, Fine dining 1200hkd/1人,
老老實實 唔算貴, 但咁既食物質素唔值！！
唔推介任何生日, 紀念日, 重要日子去食,
食完不但冇曬心情 而且係嬲🤬🤬🤬其實加多幾舊水, 食到米芝蓮一星 fine dining, 大家唔好偷雞唔成蝕渣米！
本次消費- Junon Tasting menu
首先, 麵包&牛油, 一上到枱就立即食, 係凍！麵包色香味皆冇！！
心諗都知 今餐 fine dining 質素😢
之後, 三文魚&三文魚子配魚柳包醬作為餐前小食, 同麵包 差唔多同時來可以理解！但唔夠一分鐘又黎多個 Appetiser, 元貝他他, 成張枱都係野😲 見到眼都突埋出黎, 忍唔住講左聲 ‘唔該, 可唔可以上菜慢少少’
三文魚質素 - 爭鮮貨仔
三文魚&麵包
10 瀏覽
0 讚好
0 留言
元貝他他質素- 急凍貨
帶子他他
9 瀏覽
0 讚好
0 留言
再來Appetiser, 鴨胸配豆蓉, 不予置評, unclassified !
鴨胸
5 瀏覽
0 讚好
0 留言
鴨胸質素- 佳寶/百佳/一田 味道
以上 Appetiser 急凍野為主
—————————————-/—————————
到主菜有3個
第一個Main course, 羊肉鰻魚卷
鰻魚同羊肉卷埋一齊, 鰻魚完美黐住羊肉睇到廚師有心機 &難度, 易熟鰻魚 同 厚實羊肉, 基本上同時一齊煎有一定技巧！但重點係, 呢2樣野都唔match 食落口唔知食緊咩😕
羊肉質素 - 冇羊味 上網睇番餐牌先知係羊！
鰻魚質素 - 都算新鮮白鱔
羊肉&鰻魚
4 瀏覽
0 讚好
0 留言
第二個Main course, 紅鯔魚配白蘿蔔蓉
魚肉出現少少overcook, 可接受！ 白蘿蔔蓉就十分加分, 食落就有食到好似高級日本天婦羅汁所用到白蘿蔔蓉
紅鯔魚質素- 急凍但不過不失
白蘿蔔蓉質素- Fine dining 水準
紅鯔魚配白蘿蔔蓉
8 瀏覽
0 讚好
0 留言
第三個Main course, Pigeon（鴿肉）配菜花
Pigeon 5成熟, 鴿皮煎得香口, 但係塊皮食落口係苦 加上 鴿有少少怪味, 女朋友仲話想 合埋眼食曬佢就算…
但我食左2淡, 真係唔好意思, 做左西客 要求換第樣野
Pigeon
7 瀏覽
0 讚好
0 留言
所以 第三個Main course 轉左 牛肉（同樣都係5成熟）
Waiter 冇詳細解釋係咩和牛,應該用澳洲M7 左右和牛, 牛肉不過不失
牛肉質素 - M7 澳洲和牛
澳洲和牛
6 瀏覽
0 讚好
0 留言
—————————————-/—————————
最後到甜品
威靈頓蘋果，烤杏仁雪糕& 迷你心太軟
如冇意外,成餐飯最好係呢一個 course!!!
威靈頓蘋果 - 酥皮 厚左少少 但整體不錯👍🏻
烤杏仁雪糕 - Fine dinging 水準 好味👍🏻
迷你心太軟 - 有流心 ！同甜品一齊上 放到最後食都仲有少少暖暖地
威靈頓蘋果，烤杏仁雪糕
10 瀏覽
0 讚好
0 留言
總結, 餐廳對Appetiser 唔注重 用料 非一般 只可以用差黎形容！Main course 比Appetiser好, 都有少少食評打下！ 而甜品又比 Main course好, 但overall水準未達理想😕👎🏼 唔好既開頭 好影響之後用餐體驗 !
服務- 可以改善空間有出餐, 介紹食物 &同食客之間眼神接觸
餐廳衛生 - 唔合格！Fine dining着重對餐枱布整潔! 但Junon 用大白紙 cover 枱布為節省operation cost, 唔會成張 餐枱布換導致食客前面張枱枱布有污跡waiter都睇唔到！
餐廳環境 - 前一手軒仔裝修唔錯 冇位置挑剔
建議 - 餐廳成個營運模式需要改變
個人評分 35/100 分
張貼
