炯記餐室 (美麗閣)

營業中

休息中

同朋友喺深水埗食過炯記手撕雞，食過返尋味，估唔到佢喺北角附近都有分店，叫炯記餐室。餐牌內容都係差唔多，我最推薦嘅梗係原隻煙燻燒鵝髀撈麵， 原隻燒鵝髀會幫我哋切件，燒鵝髀嘅外皮燒得香脆，燒鵝裏面嘅鵝油好香，所以係食完再食！ 撈麵都好好食㗎， 佢係用咗燒鵝油再撈麵， 所以粗麵唔會好乾，配埋燒鵝髀好夾。跑多幾個圈都抵。麻辣手撕雞腸粉， 手撕雞有麻油同芝麻撈埋一齊， 再加上有甜辣醬嘅雞腸粉，作為正餐或者小食都一流。 海蜇燻蹄，清清地，唔會好油，海蜇鋪喺底，好脆好爽。燻蹄都整得好出色， 作為冷盤嚟講，佢外皮唔會太油， 成嚿燻蹄好乾爽， 再加埋海蜇有少少辣油，作為餐前小食係幾好。我哋跟餐要咗熱奶茶同埋阿華田五穀麥芽特飲。阿華田五穀麥芽特飲上面有啲脆脆幾好食，我都想學下自己整。