影片
更多
2022-11-19
63 瀏覽
呢間北角嘅印度餐廳，已經喺七姊妹道好多年歷史，每次夜晚經過都見到裏便好多人客。上網查一下原來全港有好幾間分店，曾經攞過幾年米芝蓮推介。今次帶屋企人去食，為咗試唔同的食物冇嗌套餐4人$900左右，，但係如果嗌2人餐$318加一，4人餐$628加一。小食我哋嗌咗咖喱角，印度脆波波Pani Poori 。咖喱角香口鬆脆，少少辣，咖喱味十足。脆波波好得意，加咗醬汁辣辣地，一啖一個乾脆利落。鐵板羊肉串，本來以為係好似串燒嘅一串羊肉，不過味道係四條羊肉腸仔，都冇所謂啦，認識下異國飲食文化。賣相雖然好普通，但係肉腸食落去還好，羊肉串調味好似台灣腸，烤過之後好香。烤茄子，又是另一味超出我們想像的食物，原來係茄子咖喱，清新嘅素食咖喱甜而不腬，可配薄餅。牛油雞，招牌菜，味道唔錯，份量唔夠四個人分，不過我哋有其他肉食。椰漿咖喱金䱽魚，上枱嘅時候幾碟咖喱賣相都好似差唔多，唔似中菜墊墊都有不一樣嘅賣相，又一次體現異國文化的差異。原條䱽魚用咖喱浸住，魚肉好滑。與咖喱又同其他咖喱味道不一樣。蒜蓉、黑松露、芝士印度薄餅，一定係舖頭嘅招牌菜，每塊用人手製造，高溫烤爐烤焗，每塊煙韌柔軟，最欣賞係呢間餐廳嘅薄餅唔油膩，食多
今次帶屋企人去食，為咗試唔同的食物冇嗌套餐4人$900左右，，但係如果嗌2人餐$318加一，4人餐$628加一。
小食我哋嗌咗咖喱角，印度脆波波Pani Poori 。咖喱角香口鬆脆，少少辣，咖喱味十足。脆波波好得意，加咗醬汁辣辣地，一啖一個乾脆利落。
鐵板羊肉串，本來以為係好似串燒嘅一串羊肉，不過味道係四條羊肉腸仔，都冇所謂啦，認識下異國飲食文化。賣相雖然好普通，但係肉腸食落去還好，羊肉串調味好似台灣腸，烤過之後好香。
烤茄子，又是另一味超出我們想像的食物，原來係茄子咖喱，清新嘅素食咖喱甜而不腬，可配薄餅。牛油雞，招牌菜，味道唔錯，份量唔夠四個人分，不過我哋有其他肉食。
椰漿咖喱金䱽魚，上枱嘅時候幾碟咖喱賣相都好似差唔多，唔似中菜墊墊都有不一樣嘅賣相，又一次體現異國文化的差異。原條䱽魚用咖喱浸住，魚肉好滑。與咖喱又同其他咖喱味道不一樣。蒜蓉、黑松露、芝士印度薄餅，一定係舖頭嘅招牌菜，每塊用人手製造，高溫烤爐烤焗，每塊煙韌柔軟，最欣賞係呢間餐廳嘅薄餅唔油膩，食多幾塊都得。
芒果奶昔奶味好勁，如果食辣嘢解辣啱晒。
青檸梳打，本來想飲無糖飲品，冇諗過會自動落咗糖添，印度果然係好甜之國。（我識得有印度人，曾經見佢飲咖啡奶茶落白糖嘅速度係摩打手一羹又一羹，我見到個心都離一離，跟住忍唔住勸佢幾句🫣）呢間餐廳所有食物都跟咗香港人口味，減低左咖喱辣度和飲品甜度😘大家可以放心啦。
張貼
