INSANE

北角暗藏細街既泥水風格 Coffee Shop，小巧玲瓏，內裏有好多貓貓擺設，睇得出店主係愛貓之人，一個Barista打理哂成間店，簡簡單單，餐單都係簡簡單單以窩夫、牛角包、三文治、Bagel為主打，輕鬆便食。

佢地既選用左Nutty既咖啡豆，試左肉桂味Latte，好特別，飲完一啖，咖啡滑入喉嚨之際就會搭到啖啖肉桂香味，聽Barista講佢地轉用煉奶去沖呢杯咖啡，可以中和肉桂既苦味。

揀咗個鹹牛肉窩夫做午餐，$141 per set，包一杯$40以下嘅飲品，配搭非常得意，但味道幾夾。窩夫即時用機烘，好硬身脆口，微甜既窩夫，夾住咸香既牛肉，兩件夾埋都好飽肚。