影片
更多
2022-11-19
67 瀏覽
屋企人好鍾意食印度薄餅，所以上網搵到呢間米芝蓮印度餐廳同家人去試試佢😋餐廳侍應好friendly，成日撩我哋傾偈，我點餐嘅時候都嘗試用印度拼音點菜，佢聽得明無笑我😂📐咖喱角 $48味道正常好食，唔係好辣，配上兩種醬汁，一隻甜甜地，一隻少少辣，綠色嗰隻懷疑係薄荷醬，覺得好襯咖喱角👍🏻🍘印度脆波波Pani Poori $78唔記得咗中文名係咩，不過成日睇介紹都好多人嗌，應該都係必食特色小食。可以倒醬汁入去，甜甜地，後勁有辣，爽😂🐑鐵板羊肉串 $140香港人的expectation應該會覺得係一舊舊羊肉串埋一齊，結果係一條條羊肉腸仔咁😆如果有下次，可能我會直接嗌羊架？🍆烤茄瓜 $90我以為係串燒嘅烤茄子，但原來係咖喱format的茄瓜，食落幾甜，配薄餅食唔錯。🐥牛油雞 $104肉量唔算多，人哋話招牌所以嗌左，味道唔錯，如果份量多啲會開心啲！🐠椰漿咖喱金䱽魚 $188魚肉好滑，第一次成條魚煮咖喱咁樣食，幾特別，不過唔鍾意倫骨嘅朋友可以唔洗嗌，嗌番魚塊會開心啲🤣🫓蒜蓉、黑松露、芝士薄餅 $32因為好鍾意食Naan，所以嗌多啲唔同味道一齊share。印度薄餅不嬲冇得輸，人手開始搓，由零焗出嚟實好食
餐廳侍應好friendly，成日撩我哋傾偈，我點餐嘅時候都嘗試用印度拼音點菜，佢聽得明無笑我😂
📐咖喱角 $48味道正常好食，唔係好辣，配上兩種醬汁，一隻甜甜地，一隻少少辣，綠色嗰隻懷疑係薄荷醬，覺得好襯咖喱角👍🏻
🍘印度脆波波Pani Poori $78
唔記得咗中文名係咩，不過成日睇介紹都好多人嗌，應該都係必食特色小食。可以倒醬汁入去，甜甜地，後勁有辣，爽😂
🐑鐵板羊肉串 $140
香港人的expectation應該會覺得係一舊舊羊肉串埋一齊，結果係一條條羊肉腸仔咁😆如果有下次，可能我會直接嗌羊架？
🍆烤茄瓜 $90
我以為係串燒嘅烤茄子，但原來係咖喱format的茄瓜，食落幾甜，配薄餅食唔錯。
🐥牛油雞 $104
肉量唔算多，人哋話招牌所以嗌左，味道唔錯，如果份量多啲會開心啲！
🐠椰漿咖喱金䱽魚 $188
魚肉好滑，第一次成條魚煮咖喱咁樣食，幾特別，不過唔鍾意倫骨嘅朋友可以唔洗嗌，嗌番魚塊會開心啲🤣
🫓蒜蓉、黑松露、芝士薄餅 $32
因為好鍾意食Naan，所以嗌多啲唔同味道一齊share。印度薄餅不嬲冇得輸，人手開始搓，由零焗出嚟實好食，想外賣多幾塊番屋企添，不過食到最尾先記得，怕製作時間耐，所以放棄咗🤣
🥤芒果奶昔、青檸梳打 $40
芒果奶昔超奶，芒果味都濃。Order青檸梳打原意係唔想飲甜，但果然係印度嘢，佢都加左糖水。所以最後都係飲佢枱面支$10水
4人食咗$917，咖喱份量唔算多，但係有得試晒唔同嘅咖哩，好似curry tasting咁😂其實仲有4人餐嗌，$628加一only，會比較經濟實惠👍🏻
張貼
