Coffeelin (電氣道)

營業中

休息中

除咗附近酒店嘅咖啡廳，以依間嚟講環境最為舒服，寬敞。同樣嘅價錢對面只係飲到Starbucks ，而且衛生情況較差。所以平時見到好多人都會拎住部電腦喺度做嘢，特別係下午時間。不過今次就試咗佢嘅lunch，原來食物都非常之有驚喜，唔單止賣環境。唔知係咪呢區消費群組嘅關係，lunch Time從來都未試過排隊或者好多人，次次Walk in都會有位。如果平時約客傾嘢或者上Team gathering ，都係一個幾適合嘅地方。講返食物質素，整體口味偏淡，符合佢作為澳洲餐廳嘅口味，大多數食物都食到本身天然嘅味道，亦都屬於原型食物。口味偏向外國人鍾意，未必咁夾平時重口味嘅香港人，不過如果平時做開gym又鍾意健康嘅話，好多菜式都非常適合。我最鍾意揀嗰個係煎薯仔，作為優質嘅澱粉，食完有飽腹感之餘亦都可以提供足夠嘅熱量繼續工作，跟住配埋佢個餐嘅菠菜湯，食完即刻覺得自己健康晒。如果係夏天嘅話應該可以揀沙律，不過暫時未喺夏天食過佢。