老北方餃子館

營業中

休息中

今個星期同事想繼續encore 皇后街街市既食肆，所以繼續去果到搵食，細食既同事今次想試下餃子呢檔。坐低已經話無晒大白菜，唔緊要，有我至愛既豆苗⋯⋯但落左單一陣就話豆苗都賣晒，得番羊肉、菠菜同韮菜，前兩者我都唔食，唯揀韮菜。飲晒碗蕃茄蛋花湯，等左好耐，好明顯漏單，催完都只上到一碟，另一碟要再包，唯有同同事share食住先一碟都有12隻，都幾多，餃子唔算好大隻，入口都幾香韮菜味，仲有d肉汁，唔多肥肉，皮都ok，唔太厚唔太薄，係真係北方餃子果種口味，如果食得羊肉，不妨一試，因為出面真係少有得食。其實味道都唔錯，不過第一次食就漏單，仲要等左好耐先有，拎到埋黎都因為趕時間而求其灌晒落口，真係扣晒分！