影片
更多
2021-10-19
87 瀏覽
剛好途經去荃灣探友人碰到這間店子，空氣飄來的烘焙和牛油香實在令人難忽視他的存在𝑋𝐷。朋友話以前返學每日都會買寄過嚟食，味道不錯，不過以前好似就冇咁多花款。♡•••••••••••••••☽♥ 𝐷24榴槤菠蘿包 ♥ （$14）榴槤控應該會超級開心！入面係滿滿榴槤蓉，打至滑身，十零蚊其實真係抵食。本身唔太食榴槤都覺得好香(買咗返去比屋企人食)，菠蘿皮微脆，係容易食到一地都係𝑋𝐷♥ 香芋流沙包 ♥（$12）必須一讚係紫薯同埋黃金流沙都好濃郁，奶黃鹹香同埋紫薯嘅甜滑完美融合，不過各佔半邊，如果可以內外層咁包餡同埋包體嘅回彈力再高啲就好啦！♥ 蜂蜜柚子吉士忌廉包 ♥（$8）面頭已經超多蜂蜜柚子粒🤍，柚皮嘅清香同內餡嘅奶甜吉士忌廉啱啱好可以中和到油膩感，成個包都好似食緊甜品咁😂，不過個餡就冇柚子香，如果可以平均分係內外相信會更有風味。♥ 咖啡菠蘿包♥ ($8)一心諗住呢個應該冇餡，冇諗過原來入面已經查上一層軟滑嘅牛油，當烤熱嗰陣牛油喺內層溶化變得比較濕潤，同外層微苦帶奶酥香嘅咖啡菠蘿皮咬落好香口。私心希望菠蘿皮可以再酥脆啲哈哈。♥ 葡撻 ♥ ($5) 🌟𝑀𝑉𝑃到我買嗰陣已經得返一個
剛好途經去荃灣探友人碰到這間店子，空氣飄來的烘焙和牛油香實在令人難忽視他的存在𝑋𝐷。朋友話以前返學每日都會買寄過嚟食，味道不錯，不過以前好似就冇咁多花款。
♡•••••••••••••••☽
♥ 𝐷24榴槤菠蘿包 ♥ （$14）
榴槤控應該會超級開心！入面係滿滿榴槤蓉，打至滑身，十零蚊其實真係抵食。本身唔太食榴槤都覺得好香(買咗返去比屋企人食)，菠蘿皮微脆，係容易食到一地都係𝑋𝐷
♥ 香芋流沙包 ♥（$12）
必須一讚係紫薯同埋黃金流沙都好濃郁，奶黃鹹香同埋紫薯嘅甜滑完美融合，不過各佔半邊，如果可以內外層咁包餡同埋包體嘅回彈力再高啲就好啦！
♥ 蜂蜜柚子吉士忌廉包 ♥（$8）
面頭已經超多蜂蜜柚子粒🤍，柚皮嘅清香同內餡嘅奶甜吉士忌廉啱啱好可以中和到油膩感，成個包都好似食緊甜品咁😂，不過個餡就冇柚子香，如果可以平均分係內外相信會更有風味。
♥ 咖啡菠蘿包♥ ($8)
一心諗住呢個應該冇餡，冇諗過原來入面已經查上一層軟滑嘅牛油，當烤熱嗰陣牛油喺內層溶化變得比較濕潤，同外層微苦帶奶酥香嘅咖啡菠蘿皮咬落好香口。私心希望菠蘿皮可以再酥脆啲哈哈。
♥ 葡撻 ♥ ($5) 🌟𝑀𝑉𝑃
到我買嗰陣已經得返一個，好彩前面嗰位先生冇掃晒𝑋𝐷。呢個價真係超！級！扺！食！佢哋嘅葡撻係有108層酥皮，所以咬落係充滿層次感，咔咔聲，鬆脆到不得了。
熱辣辣嘅葡撻內餡蛋香好濃郁！而且滑到好似食緊焦糖燉蛋內餡咁，好難相信佢只係賣五蚊🤯。
♥ 芝士撻 ♥ ($5)
撻類真係平靚正。曲奇撻底好薄脆，牛油味都幾出，而咬落係有少少實淨嘅忌廉芝士，最內層可以食到充滿芝士奶香嘅滑溜口感，整體酸香濃郁。
張貼
