今日就黎朝聖，閒日入座都已經爆曬，海鮮火鍋放題，食足2.5小時，餐牌黎講就好高質既感覺，進口海鮮，龍蝦、蝦、扇貝、刺身等等都有
坐低先上個燉湯，似係茶樹菇類燉瘦肉，清潤帶肉甜味，夠晒火侯，飲到個喉嚨好舒服，有個好既開始
好快上左雞煲，揀左麻辣味，好多香料好正既賣相
慢火炒熱，夠香夠麻，味濃雞滑，肉都好嫩而幾彈牙，好味好味店員會觀察住你，食完即收廚師發辦滋味小食係脆炸墨魚餅，記住要XO醬！記住！啲XO醬唔使錢咁俾左成三分一樽你，墨魚餅驚喜地非常好味
外面酥脆，入面好滑濃墨魚味好正，加埋海量XO醬，爽
馬上就到刺身，時令刺身拼盤加池魚王，賣相一絶個魚頭好似望住我咁，刺身大部分都相當新鮮，鮮甜，特別係池魚，刀工不錯夠晒薄，亦可試試淥一淥食，都好鮮味
由於like左社交平台，再送多個泰式生蝦，好味，未食海鮮火鍋已經好多高質野食
邊爐時間！
可以鴛鴦但只揀左莞西湯，想青少少食海鮮，超級海鮮盒，有活龍蝦、日本元貝、活鮑魚、爆膏蟹、特大虎蝦，上枱又係一個驚人既賣相，size巨型，高貴吸睛即刻逐一試食，活鮑魚超新鮮，保證係活既大鮑魚，爽身好鮮甜，鍾意食鮑魚既一定要食爆膏蟹真係好多膏，我自己唔算有蟹膏癮但真係爆膏爆濃特大虎蝦又鮮又濃味，好彈牙既蝦肉，非常好味勞蘇食推介 —— 日本元貝
超大粒，超級鮮甜既味道，又濃又好味，真係高質活龍蝦都相當正，肉質彈牙好味再試埋有得任叫既海鮮，鮑魚同海鮮盒同級都係活既，仲係枱上面係咁郁
花甲正常，都大粒同新鮮，水魷同王子蚝正常，蘇格蘭蟶子王真係王，king size，淥完都大大條，鮮甜
最後仲有深海龍躉，魚皮爽，魚肉又滑又彈，一食肉質就知靚魚，必食
1
講真我未試過打邊爐淨係食海鮮已經飽到食唔落
仲要食材鮮到呢，就算係任叫既海鮮，質素都非常高，實在驚人難怪長期爆滿，想食海鮮邊爐既，一定要搵次黎任性一晚
#再食再寫都會一樣新鮮因時令海鮮不同廚師發辦小食仲有另一款食煲
#唔通坐我前後左右都係靚仔靚女我又話你知咩
