稚

營業中

休息中

店內既裝潢偏和風格調，木質既餐桌餐椅，牆上掛有畫作，有大量既動漫角色，不論經典和新作都並存，有種創新和經典相融既感覺。分別叫了兩個假日午市定食，除了主食之外，有埋前菜、漬物、煎茶、味增湯和一份自選小食，珍珠米可升級貓飯、茶漬飯或湯烏冬。蔥燒三文魚腩定食三文魚腩以一條條上碟，相當容易入口。魚腩經過炙燒過，魚皮口感少許脆口，魚腩肉質鮮嫩，肥瘦相間，魚油甘香純厚，加上燒汁，味道十分濃郁。蜜糖甜薯甜薯口感綿密，味道甘甜可口，有少許焦香味。招牌蒲燒鰻魚定食鰻魚口感軟熟，表面沾滿了蒲燒汁，味道甜蜜可口，咬落有一定韌度，肉質結實，份量都唔少，配菜有一座小山丘嘅椰菜絲配搭芝麻醬。唐揚炸雞內有紫菜包裹住，頗為特別，適合食肉獸既朋友。黃金醬燒蠔色澤炸得金黃，燒蠔肉質鮮嫩多汁，調味剛剛好，外脆內軟，有附蛋黃醬沾點食用。