飲茶‧私房菜 (南豐大廈) (已結業)

之前收到一张睇住流奶嘅優惠券，見就黎到期。今日又咁啱同老婆一齊放假，就出咗去上環試吓呢間飲茶先。上到去，又唔係想像中咁多人喎，可以係平日啦，再加上已經係下午茶嘅時間啦。環境都好舒服，又唔會坐得太迫。即刻叫咗幾個點心試吓先，啲點心名好得意㗎，分別叫咗一籠八戒(即係叉燒包)，蟹子燒賣，透明波波，當然仲有送嘅主角睇住流奶(即係奶黃包)。等咗大約10分鐘左右，全部點心都到咗啦，嘩........啲點心好得意吖，有啲唔寫得食添，全部都好好食，味道啱啱好。個透明波波，個皮好好口感，入面又好香嘅黑松露味，好特別。當然個主角睇住流奶，無得輸，啲奶黃唔會太甜，味道啱啱好。