影片
更多
2022-06-03
19 瀏覽
去北角搵食，見到呢間鋪好多人排隊，相信觀眾嘅眼睛同埋大眾嘅智慧，所以排埋一份。兩點後有下午茶餐，有飯有餸有嘢飲，大概40蚊左右，好鬼抵。叫咗一個鴛鴦手撕雞腸粉（$40）同埋叉燒飯（$40）。叉燒夠曬腍，肥瘦間層，好好味，所以最後斬多半斤叉燒外賣，今晚返屋企食，屋企人都話超正喎，要我下次再買！出面冇試過手撕雞加腸粉嘅配搭，有趣有趣，手撕雞夠曬嫩滑，兼且入味，推介。而且唔知點解，原來手撕雞同腸粉係好夾，可能因為兩樣嘢都好多醬汁，係我嘅最愛！由於太好食，所以追加咗兩個小食：麻辣雞腎同埋麻辣豬耳。雞腎、豬耳都好爽口，好好食。好鍾意呢度嘅麻辣汁，夠麻夠辣，好嘢未。總括來說，呢度啲嘢又平又好食，真心推介！
兩點後有下午茶餐，有飯有餸有嘢飲，大概40蚊左右，好鬼抵。
叫咗一個鴛鴦手撕雞腸粉（$40）同埋叉燒飯（$40）。
叉燒夠曬腍，肥瘦間層，好好味，所以最後斬多半斤叉燒外賣，今晚返屋企食，屋企人都話超正喎，要我下次再買！
出面冇試過手撕雞加腸粉嘅配搭，有趣有趣，手撕雞夠曬嫩滑，兼且入味，推介。而且唔知點解，原來手撕雞同腸粉係好夾，可能因為兩樣嘢都好多醬汁，係我嘅最愛！
由於太好食，所以追加咗兩個小食：麻辣雞腎同埋麻辣豬耳。
雞腎、豬耳都好爽口，好好食。好鍾意呢度嘅麻辣汁，夠麻夠辣，好嘢未。
總括來說，呢度啲嘢又平又好食，真心推介！
張貼
