Twinkle Baker Decor (希慎道) (已結業)

買咗一個「大甲芋泥QQ Mochi $42」嚟試。佢上面d cream屬於街市餅鋪嘅質素，你去糧油雜貨鋪買最平果隻whipping cream，打出黎就係呢個texture，有整開甜品嘅人應該明我講乜😂。芋頭味死甜，味道廉價，係用嚟哄幼稚園小朋友果種細路甜味。蛋糕體偏乾且硬身，不鬆軟。連最難出錯嘅餅底都好難食，益益地咁。成件餅不論口感、味道都好劣，放喺街市賣五十蚊三件我可能會幫襯嘅，會買俾小朋友食😅，可以憑賣相呃細路。大人茶聚或散水餅呢間真係不了。