影片
更多
2024-12-14
63 瀏覽
有日我點了兩個午餐，一個生牛湯河，一個咖喱豬扒飯。點餐後大概10分鐘生牛湯河到咗，但係咖喱豬扒飯等左20幾分鐘還未到。於是詢問侍應餐還有幾耐。搵了兩個侍應，只是敷衍回應，跟住完全沒有跟進。於是我再問另一位侍應，侍應過來用急速而不太友善的語氣打開餐牌問：「咁你轉唔轉？」，我心諗轉乜嘢？ 我話我點咗咖喱豬扒飯，轉乜嘢？我開頭以為係賣晒，跟住佢就話而家好多單呀唔知要等幾耐…粉麵就快啲，但完全冇交代發生咩事，淨係問我轉唔轉…我話我唔想轉仲要等幾耐，佢話唔知㗎，可能等多15-20分鐘架…個侍應全程西口西面，一開始又唔主動講發生咩事，淨係要個客喺度等，仲要當時其實餐廳唔係好多客，如果等一個餐差唔多要40幾分鐘合唔合理？最後要三催四請之下先將個餐送俾我。總括而言，呢間啲食物可以，但服務真係非常差⋯其實有少少禮貌講句我幫你跟跟，俾個預算個客要等幾耐都唔係好難咋嘛？ 真係好難怪人哋話香港餐飲業做唔住….無奈😓
有日我點了兩個午餐，一個生牛湯河，一個咖喱豬扒飯。
點餐後大概10分鐘生牛湯河到咗，但係咖喱豬扒飯等左20幾分鐘還未到。於是詢問侍應餐還有幾耐。搵了兩個侍應，只是敷衍回應，跟住完全沒有跟進。於是我再問另一位侍應，侍應過來用急速而不太友善的語氣打開餐牌問：「咁你轉唔轉？」，我心諗轉乜嘢？ 我話我點咗咖喱豬扒飯，轉乜嘢？我開頭以為係賣晒，跟住佢就話而家好多單呀唔知要等幾耐…粉麵就快啲，但完全冇交代發生咩事，淨係問我轉唔轉…我話我唔想轉仲要等幾耐，佢話唔知㗎，可能等多15-20分鐘架…
個侍應全程西口西面，一開始又唔主動講發生咩事，淨係要個客喺度等，仲要當時其實餐廳唔係好多客，如果等一個餐差唔多要40幾分鐘合唔合理？最後要三催四請之下先將個餐送俾我。
總括而言，呢間啲食物可以，但服務真係非常差⋯其實有少少禮貌講句我幫你跟跟，俾個預算個客要等幾耐都唔係好難咋嘛？ 真係好難怪人哋話香港餐飲業做唔住….無奈😓
張貼