蓮香居 (已結業)

今日同家姐帶92歲媽媽去蓮香居飲茶，一盅幾件等媽媽懷緬吓。我哋一行四人上到2/F無乜客，咁就揾咗張四人圓枱坐，但有個伙記唔俾我哋坐，點咗我哋坐咗張爛嘅2人圓枱，仲放低咗3籠點心，話點心無架喇，要食就嗌炒嘢啦，咁又行咗去😡因為媽媽年紀大，廢事走嚟走去，所以繼續留低。咁我就同個阿姐要求換枱，因為張枱放咗茶壺水杯同點心已經冇位， 佢話佢話唔到事 ，話～話事嗰個唔知去咗邊 😠之後嗌乜冇乜， 茶壺冇水冇人斟， 叫佢斟茶又發悔氣 ，斟完就大力將個茶壼放返落去張枱度 ，啲態度真係不知所謂 ，之後更熄冷氣同熄燈，分明趕客 ，香港真係多謝你， 究竟知唔知乜嘢叫做顧客之道 ，連最基本嘅服務都無😠極度無禮貌😡