峰壽司 (已結業)

知峰壽司新店用iPad落單，有條專用輸送帶運碟壽司過嚟，雖然在日本都食過好多回轉壽司店用這系統，但好似係香港第一間壽司店用這設施， 專登走嚟這個新商場趁下熱鬧。為咗避開啲人龍，在下午5點頭去攞位，等不用五分鐘即有位。 用iPad Order 咗特大右口魚及特大油甘魚。 個系統有個小小改善嘅地方，當瀏覽壽司種類，想去下一頁嘅時候，系統嗰制寫做 『下一步』， 令人有點混亂。等咗成十多分鐘， 兩件壽司坐在一架前面係火車頭，後面係警察車頭嘅長碟， 由上層條專用輸送帶運過嚟停响我前面， 攞走碟壽司後按輸送帶上面嘅紅色制，架車就會返回原位。 食件壽司時明白點解要等咁耐，可能要等件魚解凍，因食落仲係好凍嘅雪味，完全無魚味！ 唯有再叫其他壽司等呢兩件無咁凍先食。 之後叫咗人氣三點盛， 有三文魚，帶子及甜蝦，味道OK。  食完埋單走人時，出面已經好多人排隊喇！