亞來麵檔

營業中

休息中

Item: 亞來麵檔
Rating: 3
Author: 奧志雷

Ah Loy Noodles

43 食評

味道

環境

服務

衛生

抵食

1387

上水

$50以下

港式車仔麵

奧志雷

等級4

2.1K

街上州民水客產生既垃圾已比平日少一點，但依然感覺身處大陸深圳，聽到的是全是普通話、神州語、潭仔話，見到既係大陸婆、大陸叔、蝗蟲兵團，慘不忍睹，見者傷心，聴者流淚。

新麵檔進註喎，高朋滿座，又會咁多食客既？阿來？泰文即係好味道意思，一睇就知係泰國野啦，泰式車仔麵那麼有創意？

步入亞來竟然滿座，只有少量單丁孤單位，有無咁好食呀？無緊要，求其攝埋搭檯，得左。發現原來有免費 wi-fi 提供，方便晒班州民啦﹗有趣的牆上裝飾，紙皮菜牌，香港舊時代黑白照，懷念早期成長中的香港，非常有味道。聽到廚房班嬸嬸都係操神州話溝通，部份阿姐阿嬸就講廣東話，男女泰藉師傅就講泰文，真係夠國際化。

點解泰皇悅個老闆娘會係度既？莫非亞來又係佢既？還是同鄉呢？望入店內格局，即時聯想到成記麵家。幸好搭到檯坐低，人來人往環境好嘈吵刺耳啊。

跟大多麵自己劃點菜紙，先細閱彩圖 menu 先。好多款雞提供喎，是否因為泰式海南雞飯關係呢？對烚雞充滿信心，胸有成竹。明明 menu 寫住喇沙，但 order 紙寫住咖哩，到底邊樣先真呀？我真係超級十分好很混亂呀﹗

什麼是油麵？想講莜麵嗎？係莜麵，莜麥粉做的麵條，唔係油麵，雖然真係油淋淋啫。什麼羅白？羅白聯婚？係蘿蔔。

剛剛有食客路過查詢係咪泰式黎呀？侍應嬸嬸答港式黎架。我心諗好明顯係泰式啦，連舖名都叫亞來，最多比您答港泰式囉，哈哈。

罕見美女有着韓星一樣的氣質，難得的斯文香港女生。藍白間條恤衫襯上紅色背心，賞心悅目，忍不住偷望多兩眼，食都食得更開心﹗巧合先後埋單，離開時四目交投，無奈地大家只是在同一空間擦身而過吧﹗另一邊長髮少女學生妹味濃。

口水雞，大大碟有誠意，辣到勁飈汗成頭濕晒！有翼有髀又有胸，胸綿髀滑啖啖肉，不肥不膩，雞皮薄彈無肥膏。口水汁酸辣並重醒腦提神，還夾雜花生碎就更香口，惹味刺激夠晒辣，撈飯一流。勁辣應該來自檯面的辣椒油，使我汗珠一串串，爽呀！醬汁香甜酸辣，香醋味有著童年回憶。

滷水牛筋腩，牛筋腩？有蘿蔔但無牛筋既？只係蘿蔔牛腩來的。非一般的質素，完整大大舊腩肉，不是頭頭尾尾邊皮碎，不散不爛，大愛。爽彈鬆化，肉質不乾硬鞋，牛羶味有點濃烈，沾上厚厚芡汁跟菜飯整整食還算不錯。如有辣椒醬的話，味道應更加可口又能再將羶味減低。蘿蔔好腍帶微弱爽感，多多水有少少渣少少澀，入得口。

菜飯，都夠乾爽，少少濕不過份，只是飯香不夠，落味清淡，菜甜也微弱，撈汁食尚算可口。最好食菜飯在銅鑼灣美味廚，色香味美，淨菜飯都超好食﹗

蒜泥白肉，內外都有別於其他食肆喎。淋上大量辣汁，而且裡面有勁辣菜甫架，辣味蒜泥白肉？撈勻大啖試試，強蒜辣勁酸辣，估您唔到辣得那麼利害！成個人醒晒，出晒水喇。烚五花腩片不乾鞋，瘦肉有咬口，肥肉膠彈嚥韌，捲著勁辣菜甫辣汁同吃，好刺激好開胃，額頭有少少冒汗啊，真心辣到跳舞。

巴辣雞菜飯，比口水雞更加辣，辣度倍增 ﹗都係那隻白滑甜美嫩雞，薄薄雞皮油香不肥膩，髀肉彈彈，胸肉綿綿，不過辣汁有所不同，辣度強勁多倍。我本身都嗜辣如命，無辣不歡，俱俱巴辣汁那會放在眼內﹗

膽粗粗讓雞肉在辣汁上打滾幾回，再搭著辣汁入口，大大篤辣汁撈勻一試，堅唔係人咁品 ﹗兇狠的辣味刺入味蕾，走到胃部再運行全身，汗珠慢慢在額頭、頭頂、髮尾滲出，好可怕呀﹗滿頭滿身都是汗，幸好早前口水雞後我早有準備紙巾在身，不用那麼狼狽喇，兩三張紙巾都印到濕透啊﹗夠刺激，十分爽，超級暢快，high 到不得了！

又會辣到如此地獄，普通人點食到呢？連我都搞到滿頭大汗滴晒水，洗完頭一樣，仲未試車仔麵大辣添架。撩撩下墊底既係大量烚芽菜，塞堆入口試試，爽爽脆,脆充滿水份，不過草青味超級強烈，連辣汁都未能掩蓋得到，一啖放棄。

菜飯濕爛，入口都唔難食，軟飯都好受大眾歡迎。不過我要乾爽嚥韌飯粒，要用雞湯煲既菜飯，最喜歡銅鑼灣美味廚，唯一讚好的菜飯，而且上海豬扒超好味。

實在辣到升天，不知道是不因為食完個蒜泥白肉，所以減低左抗辣能力呢？耙多兩啖飯希望可以將辣降低一點，但我實在太天真喇﹗強辣依舊，汗水仍然不停流，我唔會棄權認輸架！最後都食晒所有雞所有飯呢，辣死朕啊。

泰式鳳爪，冰涼爽脆，夠晒香辣刺激，辣度最少中水平，颷晒汗好 high 呀 ﹗雞皮脆彈索索聲，雞筋嚥韌豐彈性，軟骨趙到卜卜聲，沙律味道十分清新芳香開胃呀。如果可以夾住洋蔥青蔥芹菜筍絲搭上鳳爪同吃，必定更加好味更多味道更多層次，最衰洋蔥青蔥芹菜我都唔食架呢，蝕左喇。

韮菜豬紅肥牛拉麵河粉沙配沙嗲湯中辣，第一次遇到超高質肥牛，見到已察覺到與眾不同。顏色艷麗帶光澤，肥美滑溜脹卜卜粉紅色，肉質彈彈綿綿不乾不鞋不硬，每口都發放無限肉汁，牛汁清甜無比。豬紅，一咬爆開，噴汁噴水，結實而嫩滑，帶點腥味喎，免免強強。韮菜，爽嫩翠綠，香甜味美沒有半點渣。

繼蒜泥白肉、巴辣切雞後，泰式鳳爪一樣好辣啊。怕死先試中辣沙嗲湯吧，食辣都出晒汗，要用兩張紙巾抹，下次可試大辣！

拉麵？我要幼麵架喎。火辣沙嗲湯先辣後甜，惹味刺激蠻滿意，中辣有料到，頭頂汗珠一串串。腍劈劈的拉麵，腍劈劈的河粉，是否怕太硬會弄痛我的腸胃呢？

十餸粉絲配咖哩湯中辣，終於都揭盅，好明顯係喇沙唔係咖哩囉 ﹗唓，還以為什麼十餸麵咁巴閉添，諗住同譚仔一樣大大碗夠我飽！點知粉絲底只有細細一份，而且得幾舊餸都唔夠攝牙隙呢！有1 粒雲吞、1 舊蘿蔔、1 片腐竹、2 舊魚片頭、2 段菜芯、幾絲豬頸肉、幾片豬腸、幾件翼尖、幾片腩肉、幾片紮肉。

喇沙中辣比起沙嗲中辣弱好多倍喎，味道就真的不錯，奶香喇沙醬香，帶著芬芳清爽。落兩大羮自家菜甫辣椒油，刺激極致好舒暢呀，額頭汗珠串串，感覺良好﹗原來係您，每次辣到我滴晒汗既原兇就係您﹗泰國粉絲非常爽彈，帶湯力超強，掛著勁辣喇沙湯啜晒入口，粉絲同喇沙味道夾到不得了，好好食﹗

雲吞蝦爽鮮甜，肉香可口，大大粒脹卜卜，足料好食。腐竹，薄薄滑嘟嘟，豆豆香濃，豆漿味？魚片頭，魚香咸香濃厚，彈力十足。菜芯，一般平凡，無渣微甜。炸豬頸，散發椰汁甜味，香口惹味有嚼勁。

豬腸，結實帶彈，滷味清爽。雞翼尖，一啜骨肉分離，滑不留口，微辣蒜香。腩肉，彈彈的豬皮，骨膠原襯托著咸香瘦肉，好味道。紮肉，味道獨特，混入香料，有趣。蘿蔔好腍帶微弱爽感，多多水有少少渣少少澀，入得口。

牛筋牛柏葉豆卜魚腐莜麵配清湯中辣，淡淡甜味的淸湯也不錯，中辣清湯無料到，立即狠狠地落一大羹激辣辣椒渣，立即爆汗快過打針，濕晒﹗專登食莜麵，證實上次給我似拉麵既幼麵並不是莜麵，肯定係拉麵來的。

莜麵有其獨特的油香，所以大眾都覺得係叫做油麵掛，其實莜麥粉所做既麵呢。微彈而結實，微滑而麵粉味香甜，只是帶湯力較弱，喜歡大量湯汁的我就食得較為不方便。

牛柏葉大大條爽爽震騰騰，生水味濃烈，嚴格黎講係無味道，最好用濃湯灼熟牛柏葉，讓她索索濃湯就更好食啦。牛筋碎上，還是已經賣晒喇？散筲筲細細粒就唔好比客啦。滷水味濃膠黏不錯，大舊口感會更好。

豆卜剪開能索更多湯，又可以除去水味油味，外皮嚥韌，索湯能手。魚腐其實唔洗剪喎，裡面可以保存肉汁更好食，幸好依家都彈滑味濃好味道。

泰式豬手菜飯，勁多梅菜墊底大愛，豬肉甜梅菜淋埋汁超好送飯。質地味道跟燻蹄一模一樣，只是多了份豉油麻油香，爽脆膠彈的豬皮，夾雜結實瘦肉，每啖充滿肉汁肉香。雖然調味略為厭悶，幸好還有勁辣辣椒油幫拖，滾上辣椒油撈菜飯美味好多。

蒜香辣雞翼尖，浸得外層滑嘟嘟，肉質保持嬌嫩，不霉不乾，蒜味強烈野性，加上指天椒非常醒腦開胃，有著元朗 B 仔影子，不過別具個人風格。毛毛雞翼尖，有得食又有得玩。

炸泰式雞全翼，食不到泰味，不是香茅不是辣椒不是椰子不是香葉。即叫即炸，非翻熱非暖爐貨，要耐心等候啊。新鮮出爐炸得金黃鬆脆，全熟沒半點血絲，但肉嫩多汁，雞汁發光閃令令，醃味恰到好處，不需再加任何調味，外脆內滑，清爽可口香噴噴。

亞來咖哩撈幼麵中辣，酸齋，又會跟撈麵分開上呢。夠冰涼但有點硬，不夠軟綿滑溜。甜酸度平均，開胃醒神。炸豬頸肉外層微脆，裡面彈爽爽水潤，而且有濃濃椰汁味呢，非常特別。

幼麵嚥韌微爽微彈，不過濕不過腍，質地可口清爽。中辣咖哩始終都偏淡，幾乎食不到辣味，咖哩及香辣味薄弱，椰香味就十分突出。加一大羹菜甫辣椒油已經辣到出汗了，刺激興奮。六花茶，從未聽過，似菊花茶溝夏枯草味。

亞來麵檔 營業中 休息中

亞來麵檔

營業中

休息中