30
6
5
等級3
56
0
🫖🥢創意懷舊菜+得意中式甜品
2022-06-29 1841 瀏覽
聽聞碧儷苑由鴻星嘅舊班底組成，而家兩間分店分別喺中環同長沙灣。餐廳提供懷舊菜，亦有喺懷舊菜上加啲新意，吸引食客。前者有蝦多士同埋雞蛋焗魚腸(呢兩道菜我自己覺得麻麻地)，後者有櫻花蝦蜜餞柚皮。呢道菜係將柚皮整到好似拔絲香蕉咁樣，外面一層脆脆嘅糖漿，包住軟軟嘅柚皮，上面再灑啲櫻花蝦。我自己就唔係好鍾意咁食，比較鍾意餐廳傳統嘅雞湯浸柚皮。特別推介佢嘅豉油王煎中蝦配腸粉底，啲腸粉索晒蝦嘅味，好入味！餐廳嘅甜品最有特色(第一張圖)。紅袍荔枝個樣成粒荔枝咁，其實係奶黃煎堆，但係有荔枝味(冇藥水味)，同埋裏面真係有一粒荔枝！老虎仔包嚟嘅時候仲有煙添呀！大人小朋友見到都會好開心🥳上次去中環分店係食大閘蟹，食完真嘅蟹仲食咗啲蟹寶寶(第二張圖)(其實係炸粉粿)，兩種蟹可以話係”相映成趣”😆💰: HK$300 pp (Dinner)💝: 7/10
更多
聽聞碧儷苑由鴻星嘅舊班底組成，而家兩間分店分別喺中環同長沙灣。


餐廳提供懷舊菜，亦有喺懷舊菜上加啲新意，吸引食客。前者有蝦多士同埋雞蛋焗魚腸(呢兩道菜我自己覺得麻麻地)，後者有櫻花蝦蜜餞柚皮。呢道菜係將柚皮整到好似拔絲香蕉咁樣，外面一層脆脆嘅糖漿，包住軟軟嘅柚皮，上面再灑啲櫻花蝦。我自己就唔係好鍾意咁食，比較鍾意餐廳傳統嘅雞湯浸柚皮。特別推介佢嘅豉油王煎中蝦配腸粉底，啲腸粉索晒蝦嘅味，好入味！


餐廳嘅甜品最有特色(第一張圖)。紅袍荔枝個樣成粒荔枝咁，其實係奶黃煎堆，但係有荔枝味(冇藥水味)，同埋裏面真係有一粒荔枝！老虎仔包嚟嘅時候仲有煙添呀！大人小朋友見到都會好開心🥳


上次去中環分店係食大閘蟹，食完真嘅蟹仲食咗啲蟹寶寶(第二張圖)(其實係炸粉粿)，兩種蟹可以話係”相映成趣”😆


💰: HK$300 pp (Dinner)
💝: 7/10
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食