寿司の神 (已結業)

以前一講起入元朗食野，身邊啲人都係話去大榮華飲茶，去華嫂食晏，好到底食麵，宵夜就B 仔涼粉咁，對元朗稍為熟悉嘅可能會話，有間叫New York Cafe好正好抵食， 老闆曾經係外國酒店管理層，後來回流香港開西餐。朋友們以上提及嘅其實通通都係元朗老牌食肆，最年輕一間其實喺元朗開左13年喇，自西鐵通車後，形形式式餐館不停落户元朗，當中不乏高質西日餐廳，高質鮨店鮨文喺元朗打出名堂後，已經衝出元朗開分店，新貴就有長期訂唔倒位嘅壽司源，但其實最早落户元朗並且打出名堂嘅，並唔係剛才提及兩間，而係位於元朗大坑渠側嘅壽司之神，呢間師傅師承尖沙咀名店見誠，而唔講可能你唔知，鮨文同壽司源嘅主廚兼老闆都喺壽司之神打過工架！咁有來頭，今日終於有機會試下佢地出品，朋友欠我人情一個，呢餐係佢請嘅，食得好豪，埋單成千蚊位！！！食Omakase 好有程序嘅，先來素食前菜，好似醬油漬牛蒡、漬蘿白、蒜頭、昆布等等再嚟係濃味前菜，有冷豆腐、凍蝦同螺肉。進入戲肉，刺身時間，最先上嘅係白身魚，黑鰽魚薄切卷日本幼青蔥，魚爽口到極，但就淡味一啲。跟住就係食旁邊嘅深海池魚刺身，好濃甜，有魚脂，一啲都唔腥，同平時食嘅細池魚比，簡值係嚟