豊勝手丼 (已搬遷) 新店位置

今晚去左銅鑼灣食飯，朋友臨時黎唔到唯有食自己，一個人行行下見到有間日本餐廳，主打日式刺身飯，突然想食日本菜就入去過下口癮！刺身飯選擇好多，有套餐有自選，可以叫自己鐘意食既刺身，自己配搭出獨一無二既刺身飯。我就懶得配搭所以叫左套餐定食！刺身飯上枱好大碗好霸氣，份量好足夠！三文魚大大片，刺身全部厚切而厚薄適中，魚味突出好新鮮！油甘魚我好欣賞，清香魚味加上輕輕魚油，赤蝦爽甜大大隻，蝦頭好甜！日本海膽份量都唔少，入口鮮甜好甘香！