影片
更多
2024-06-28
375 瀏覽
燒魂位於尖沙咀，地段優越，刺身同燒肉都係任食，星期一至星期四18:00-22:00只係$338一位，21:45之後入座嘅宵夜時段仲抵食，$288就可以任食了，仲有得任飲汽水，一個字抵！👀放題嘅食物選擇好多，刺身、燒物、一品料理、炸物、壽司、燒肉(雞、牛、豬)，應有盡有，淨係睇Menu都目不暇給。叫咗三文魚腩、蝦、象拔蚌、北寄貝，全部都好新鮮。三文魚腩肥美厚身，象拔蚌同北寄貝爽口得嚟好甘甜，好有口感。卜卜煮大蜆一定要試，份量多不在話下，蜆肉新鮮有咬口，仲有好多白蘿蔔，個湯有吸胡椒味，飲完幾開胃。泰式生蝦都好出色，蝦肉結實，蘸埋泰式辣醬食無得頂！燒牛肉嚟講都好出色，牛舌薄切得嚟又有口感，牛裡肌係可以用嚟燒烤嘅牛肉片，肉質鮮嫩又有彈性，仲有安格斯牛柳粒，好有咬口。炒雜菜用料豐富，有大白菜、翠玉瓜、芽菜等，新鮮又爽口，可以一解油膩。整體而言，燒魂集燒肉同刺身於一身，食厭咗普通嘅日式放題，不坊可以試吓呢間，選材高質，性價比又高，非常抵食。燒魂📍尖沙咀漆咸道南57-59號金馬倫中心2樓
放題嘅食物選擇好多，刺身、燒物、一品料理、炸物、壽司、燒肉(雞、牛、豬)，應有盡有，淨係睇Menu都目不暇給。
叫咗三文魚腩、蝦、象拔蚌、北寄貝，全部都好新鮮。三文魚腩肥美厚身，象拔蚌同北寄貝爽口得嚟好甘甜，好有口感。卜卜煮大蜆一定要試，份量多不在話下，蜆肉新鮮有咬口，仲有好多白蘿蔔，個湯有吸胡椒味，飲完幾開胃。泰式生蝦都好出色，蝦肉結實，蘸埋泰式辣醬食無得頂！
燒牛肉嚟講都好出色，牛舌薄切得嚟又有口感，牛裡肌係可以用嚟燒烤嘅牛肉片，肉質鮮嫩又有彈性，仲有安格斯牛柳粒，好有咬口。炒雜菜用料豐富，有大白菜、翠玉瓜、芽菜等，新鮮又爽口，可以一解油膩。
整體而言，燒魂集燒肉同刺身於一身，食厭咗普通嘅日式放題，不坊可以試吓呢間，選材高質，性價比又高，非常抵食。
燒魂
📍尖沙咀漆咸道南57-59號金馬倫中心2樓
張貼
