花貝日本料理 (已結業)

實在太掛住日本啦， 喺仲未去到旅行之際，今日同朋友仔嚟咗銅鑼灣食高級日本料理。 一出𨋢入到嚟餐廳， 即刻畀餐廳龍嘅日本氣氛感染， 環境好舒服。我哋畀安排咗喺bar枱近距離見師傅預備食材。餐廳有做omakase同埋普通lunch set，今日我試咗刺身定食。set lunch 包前菜， 今日係水果沙律同埋麵豉湯， 沙律新鮮麵豉湯亦飲得出好足料。視乎每日食材嘅唔同， 師傅會安排當日最新鮮嘅刺身， 上到枱已經比擺盤吸引。 刺身分別有拖羅， 帆立貝，金目鯛， 間八，深海池魚， 牡丹蝦， 梭子魚。 最有驚喜係深海池魚肉質非常彈牙鮮甜， 帆立貝亦都好大粒新鮮。最後甜品有抹茶雪糕為呢個日本料理畫下完美嘅句號。