影片
更多
2023-07-24
117 瀏覽
環境都好大好舒適，服務很好又貼心，火鍋用宮殿圖案的鍋，很特別也很靚。非常豐富好多美食，有刺身、雞煲、火鍋，還有小食、海鮮.......宮廷小食(每天五款，不定時轉換，可追加)松露蝦多士，多士好香脆，入口有沙律醬同松露香，中間有彈牙蝦膠，好味。麻辣鴨血，溫熱香辣，入口微麻少辣，鴨血口感好又嫩。涼拌雲耳，口感爽脆，帶有蒜蓉香及麻油香。漬牛膀，個汁好好味，醃得入味，微酸好清爽消膩。紅酒喬頭漬，酸酸地又甜甜地，爽脆口感好開胃。日式刺身一客(非全食)生蝦唔算好大隻，但勝在肉質扎實爽口。象拔蚌好鮮甜好爽脆。魷魚嫩滑軟綿，微微彈牙。北寄貝非常爽口，都好好味。招牌雞煲，揀左BB辣，辣度岩岩好，唔食辣都接受到，微微刺激味蕾，個醬料香辣好味，食唔停口。份量都好多，一開始有半隻雞，食完可以追加，雞肉好嫩彈，煮得入味又唔乾，枝竹同豬皮都吸哂醬汁味，超正。食完雞煲就轉食火鍋，湯底選擇有八款，我地揀左香茜皮蛋，都係好足料好正。海鮮拼盤(每天六款，不定時轉換，非任食)生猛海蝦、大鮑魚、廣島生蠔、龍躉件、翡翠螺、海蜆，全部都好新鮮靚料，賣相吸引。生猛海蝦，肉質超爽口彈牙，食到鮮味同蝦味重。大鮑魚好厚肉，口感嫩嫩彈彈，
環境都好大好舒適，服務很好又貼心，火鍋用宮殿圖案的鍋，很特別也很靚。
非常豐富好多美食，有刺身、雞煲、火鍋，還有小食、海鮮.......
宮廷小食(每天五款，不定時轉換，可追加)
松露蝦多士，多士好香脆，入口有沙律醬同松露香，中間有彈牙蝦膠，好味。
麻辣鴨血，溫熱香辣，入口微麻少辣，鴨血口感好又嫩。涼拌雲耳，口感爽脆，帶有蒜蓉香及麻油香。
漬牛膀，個汁好好味，醃得入味，微酸好清爽消膩。
紅酒喬頭漬，酸酸地又甜甜地，爽脆口感好開胃。
日式刺身一客(非全食)生蝦唔算好大隻，但勝在肉質扎實爽口。象拔蚌好鮮甜好爽脆。魷魚嫩滑軟綿，微微彈牙。北寄貝非常爽口，都好好味。
招牌雞煲，揀左BB辣，辣度岩岩好，唔食辣都接受到，微微刺激味蕾，個醬料香辣好味，食唔停口。份量都好多，一開始有半隻雞，食完可以追加，雞肉好嫩彈，煮得入味又唔乾，枝竹同豬皮都吸哂醬汁味，超正。
食完雞煲就轉食火鍋，湯底選擇有八款，我地揀左香茜皮蛋，都係好足料好正。
海鮮拼盤(每天六款，不定時轉換，非任食)生猛海蝦、大鮑魚、廣島生蠔、龍躉件、翡翠螺、海蜆，全部都好新鮮靚料，賣相吸引。生猛海蝦，肉質超爽口彈牙，食到鮮味同蝦味重。
大鮑魚好厚肉，口感嫩嫩彈彈，中間位有鮑魚鮮味。廣島生蠔都好大隻，飽滿肥美，蠔味濃郁。
龍躉件厚切好正，肉質嫩味道鮮，魚味十足。翡翠螺唔會好大隻，但就好爽口。
海蜆大大粒又脹卜卜，入口有海水咸鮮味。
火鍋配料有超過35款，必食極上肥牛，雪花紋好靚，入口牛味濃郁，帶牛脂香，口感細嫩。
黑豚肉，超大片又厚身，很有咬口又重肉味，配麻醬最正。
手打牛丸，好彈牙，咬落多肉汁，牛味都突出。
水餃皇，超級大粒，滿滿餡料，有蝦又有爽口木耳及沙葛等等，好滿足。
野花盛開，擺盤靚，有菜芯、娃娃菜、唐生菜、冬菇、粟米，一次過有齊幾款菜，全部都新鮮又乾淨，食完再追加。
日本蟹柳超長，熟左唔易散，口感亦更好，大人細路都鐘意。
非酒精飲品任飲，雪櫃自取，4-5款汽水及9-10款果汁及茶類飲品，個人喜歡芒果汁同桃汽水。
甜品亦有楊枝甘露糕、桂花糕、朱古力糕、椰汁紅豆糕。楊枝甘露有淡淡的芒果味，西米及柚子肉增加咬口。桂花糕清甜爽口，有枸杞及紅棗夠養生。
還有驚喜甜品，估唔到有西式甜品tiramisu，淡淡的芝士香味，餅底富牛油香，整體食完唔膩。
張貼
