野川拉麵の深燒食堂

營業中

休息中

今日收工收遲左，約朋友仔飲飲飲食chill 下。好，坐低睇下有咩好食先。海鮮拼盤，生蠔大隻爽身，有海水味。赤貝入口爽脆又清甜。仲有海膽，排得整整齊齊，每粒都金黃新鮮。油甘魚、鰻魚、赤蝦、帶子壽司，粒粒都好飽滿光澤，剛好包住粒飯，食落新鮮，赤蝦仲少少黏，正！A4和牛，燒得唔錯，有牛味。大頭蝦、厚燒牛舌、燒蟶子、燒韭菜，除左刺身壽司，仲有一系列燒物，個牛舌厚得黎有口感，有咬勁。香辣牛油錫紙金菇，金菇有牛油香，好食加邪惡。芝士年糕，吉列蠔，炸物都做得好好，芝士年糕暖笠笠又煙韌。吉列蠔個外皮炸又脆又酥化。薑母茶、港式奶茶，今日揸車唔飲酒，都有其他無酒精飲品提供。