狐狸食堂

營業中

休息中

呢間係一間好樸素嘅小店，裝修簡單，餐牌簡單，入到舖頭就有一種好踏實嘅感覺。餐牌選擇比較少，最特別嘅係有四味雞肉棒同埋四式串燒豬肉卷，其他串燒店好似比較少見；亦都有啲期間限定嘅特色食物。掙扎一輪，我哋決定要四味雞肉棒，一客有齊原味、檸檬味、明太子同埋芝士，滿足晒選擇困難症嘅人。雞肉棒口感紮實，如果可以加啲雞軟骨粒喺入面口感就會更加豐富。食完幾種味道之後，覺得最好味都係明太子；原味都唔錯，點蛋汁，最經典嘅食法。其他串燒都係大路嘅選擇，我哋食咗幾樣嘢：厚燒牛舌、燒雞皮、燒雞腎等等，每串都係細細串，大家要叫多幾串呀！一路食串燒一路飲梅酒，剛剛好。