影片
更多
2025-03-10
1147 瀏覽
適逢有聚會喺呢度舉行，聚會後即享用自助午餐。周日自助午餐walk in成人收費$188，免加一，任食2個半鐘（1200-1430），以本地餐飲消費嚟講，價錢都幾吸引。西餐廳分兩區，食物係喺其中一區擺放，而坐另一區的食客需要經過一道窄廊通過對面，先可以攞食物，來來回回都幾唔方便。出入係一個問題，而另一個缺點係自助餐區好細，食物種類唔多，難同其他酒店的自助餐媲美，實際上更加似到會的食物。湯：中、西湯各1款；中湯好似係椰子雞湯壽司、刺身：2款刺身（三文魚同另一款魚生）、壽司、卷物沙律：8小盤食物，分別係粟米、蕃茄、青瓜、紅腰豆、薯仔沙律、三色椒、沙律醬三色雜豆同沙律菜熱盤：10款左右；印象中有洋蔥豬扒、炒飯、忌廉意粉、魚柳、忌廉甘筍、燴薯仔、炒蘑菇白菜仔、紅燒豆腐、羊肉、葡汁雞煎炸類：咖哩角點心：叉燒包即煮食檔：粉麵、迷你pancake甜品：（中式）迷你蛋撻、合桃糊；（西式）幾款蛋糕（好多蛋糕都差唔多：上層係忌廉，下層係海棉蛋糕，只係口味有別）、Dreyer's甜筒（4款口味：開心果、抹茶、焙茶、士多啤梨）、啫喱、果凍生果：3款；哈蜜瓜、蜜瓜、西瓜飲品：橙汁、蘋果汁、茶及由咖啡機沖製的4款咖
周日自助午餐walk in成人收費$188，免加一，任食2個半鐘（1200-1430），以本地餐飲消費嚟講，價錢都幾吸引。西餐廳分兩區，食物係喺其中一區擺放，而坐另一區的食客需要經過一道窄廊通過對面，先可以攞食物，來來回回都幾唔方便。出入係一個問題，而另一個缺點係自助餐區好細，食物種類唔多，難同其他酒店的自助餐媲美，實際上更加似到會的食物。
湯：中、西湯各1款；中湯好似係椰子雞湯
壽司、刺身：2款刺身（三文魚同另一款魚生）、壽司、卷物
沙律：8小盤食物，分別係粟米、蕃茄、青瓜、紅腰豆、薯仔沙律、三色椒、沙律醬三色雜豆同沙律菜
熱盤：10款左右；印象中有洋蔥豬扒、炒飯、忌廉意粉、魚柳、忌廉甘筍、燴薯仔、炒蘑菇白菜仔、紅燒豆腐、羊肉、葡汁雞
煎炸類：咖哩角
點心：叉燒包
即煮食檔：粉麵、迷你pancake
甜品：（中式）迷你蛋撻、合桃糊；（西式）幾款蛋糕（好多蛋糕都差唔多：上層係忌廉，下層係海棉蛋糕，只係口味有別）、Dreyer's甜筒（4款口味：開心果、抹茶、焙茶、士多啤梨）、啫喱、果凍
生果：3款；哈蜜瓜、蜜瓜、西瓜
飲品：橙汁、蘋果汁、茶及由咖啡機沖製的4款咖啡（espresso、brewed coffee、cappuccino、latte）
之所以對食物咁有印象，純粹因為佢的種類有限，好易記，行一圈，拎完第一轉，已經冇乜新意。
整體嚟講，餐廳的環境一般；侍應執拾的速度趕唔上流量，中段時出現過有一區的大餐碟被清空；咖啡機細細部，侍應要頻繁地換奶同清空咖啡粉匣；Dreyer's甜筒比較受歡迎的開心果味只喺首輪推出，其後缺貨，而補給的甜筒只有另外3款口味。喺自助餐入，個人心水必食top 3係(1)latte、(2)Dreyer's甜筒同埋(3)忌廉甘筍，當中只有(3)係餐廳出品。值唔值得嚟試真係見人見智，以$188嚟講，如果想靠飲咖啡+食Dreyer's甜筒回本，實在天荒夜談；但假假哋都係酒店自助餐，$188又幾難搵嘅~
張貼
