天下茶屋 (置富第一城)

營業中

休息中

我和同事路過沙田第一城要搵個地方坐低視象開會，見呢間餐廳冇客靜靜地就坐低(鋪外的一張枱)，我order咗一杯嘢飲，我已經問過女職員我可唔可以坐低飲，佢話可以，之後我同事返嚟一齊坐低，女職員過嚟要求佢都要order一杯(有min charge)，因為趕住要開會，我地同佢講會稍後order。5分鐘後(開會途中)，另一個男職員好唔友善咁攞埋menu過嚟催我地落order，要我地點食物，我地話宜家開緊會，之後會即刻order番，佢話唔得，要即刻點，佢好冇禮貌，好似欠咗佢咁，我地開緊視象會議，雖然好唔gur，但唔想同佢糾纏，同事唯有快快脆脆點餐，唔想佢又嚟煩住晒。1分鐘後，正當同事選擇緊食物時，男職員又過嚟話要進行場地清潔，要我哋兩個立即離場，唔可以繼續留低。嗰刻心諗咩料，但因為要繼續開會，冇得同佢理論，唯有好狼狽咁執拾隨行物件轉移陣地繼續開會。事後諗番成件事都幾離譜，竟然可以咁樣對待客人，趕盡殺絕...呢單嘢不吐不快!