井巷子 by 鋒膳 (已結業)

眨下眼，一年一度嘅中秋節又到啦。中秋節又點可以無月餅呀？ 雖然我唔太喜歡食傳統月餅，但係新派嘅月餅，好似冰皮，奶黃呢類我都好喜歡架。近年月餅款式越出越多，但係胃就得一個，真係試唔晒咁多，今年決定試新野，試左「井巷子」推出嘅「北海道牛乳奶黃月餅」。月餅表面焗得金黃，厚度十足，餡料嘅金沙奶黃蓉選用咗九州雞蛋同濃厚嘅北海道牛乳相配而成，配埋優質嘅湖北鮮鹹蛋黃，食落特別香潤軟滑，三款材料各具獨特味道同口感，無論奶味、蛋味同鹹香比例都剛剛好，完美綻放，甜而不膩。餅皮方面亦比想像中薄，咬落唔易碎，同奶黃餡份量比例都剛剛好，大家可以選擇室溫下食，亦可以放入微波爐叮10－15秒，由內而外散發出濃郁嘅奶黃味同鹹蛋黃香味真係令人非常回味架。