峇里堂

成日出街食飯，日本韓國餐成日都食，今次就喺佐敦附近搵食，見到一間好特別嘅餐廳！個名叫做峇里堂，峇里島就聽得多，但係其實都唔係好知道招牌菜係咩，所以就想去一試！餐廳係木系裝修，好多窗邊位，視野開陽，坐得幾舒服！原來係印尼菜，啱晒重口味嘅我！我哋今次就嗌咗幾樣招牌試試Menu上都有小知識，原來峇里島係會食豬肉，而大部份印尼地區因為宗教問題係唔食豬肉嘅最吸引我嘅就係呢個雙色咖央多士！其中一面應該係落咗竹炭，食落感覺分別不大，不過個樣就比較特別，值得一讚嘅係電話落單時，可以選擇牛油同醬料嘅多少，怕肥就可以減少醬！即刻冇咁罪惡！滿滿一層嘅牛油，再連埋甜甜地嘅咖央醬，非常好食！另外我哋仲嗌咗巴東牛肉，係炆得好軟腍腍嘅牛腩，滿滿一碟，淨係食肉都夠飽！味道偏鹹，重香料味，建議可以嗌個白飯中和一下！我哋嗌咗嘅印尼炒飯，冇諗過會辣得咁緊要，因為入面落咗好多辣椒，所以越食越辣！如果唔食得辣嘅話，就要慎點!另外仲嗌咗一個芒果珍多雪糕冰，芒果超甜，整體都不錯，不過因為手機落單，冇得揀後上甜品，所以甜品係第一道上菜嘅如果店員可以留心一下上菜先後會更好