銘興山西刀削麵 (黃埔新邨) (已結業)

今日好想食刀削麵，記得之前有同事介紹呢一間好抵食，咁我就黎試下啦。我去到嘟左安心出行，但門口果部反掃安心出行電話成個Mon 裂晒，即使我開埋針卡QR code 佢部電話根本反掃唔到😑門口個呀姐又忙住落外賣單，入面d伙記又唔出黎幫手…我一等等左3分鐘門口呀姐先得閒理我入到去又無人招呼，咁我就自己搵位坐坐低睇緊menu, 個呀姐叫我起身坐一個又逼又窄，隔離係收銀位，對住廚房嘅位，後面就係一個身型龐大嘅男食客，坐低真係背痴背👎🏻（你地可以睇番呢間舖頭入面嘅相，你就明我講咩）當時6點都未到，又有2張4人吉枱，明明可以令個客可以坐得舒服d，佢唔安排，仲話「係咁ga la」收銀呀姐態度超差。我唔相信全香港得佢一間食刀削麵，食都食一間有番食客尊嚴嘅餐廳。大佬，雖然你地sell抵食，但我係俾錢黎幫襯，俾番少少尊重啦。