影片
更多
2023-04-27
562 瀏覽
喺東薈城搵食，見到有越南菜 ，又多人排隊，一定係好嘢， 終於等到位 ，急急腳掃碼點餐。 有一個二人套餐好抵食， 有兩個主菜 ，一個小食拼盤，仲有兩杯特色飲品 ，都係二百幾。 兩個大食怪 想試多啲嘢，於是又點咗3款小食， 特價60蚊啫 ，一個特色甜品椰汁椰青糕，一個特式魚餅，再加多一碟靚菜心， 點住咁多先啦 。餐廳喺7樓，全部都係食肆 ，唯獨呢間係最多人排隊， 當然係又抵食又好食啦。 我哋嗌咗兩個主食， 香茅豬扒雞湯金邊粉 ，另一個係越式霸氣招牌粉， 小食拼盆就有兩條蔗蝦， 兩條靚靚春捲， 兩大隻蒜蓉炸雞翼，仲有香茅豬扒， 中間放咗啲酸蘿蔔 ，仲有青檸。 成個小食拼盤非常搶眼， 顏色靚味道正。 蔗蝦肉爽鮮甜， 春捲幼長鬆脆， 蒜蓉雞翼皮脆肉嫩， 蒜香味濃 ，仲有香茅豬扒 ，炸得啱啱好，金黃多汁， 酸蘿蔔絲啱啱好起平衡作用。 每樣小食都整得好出色， 另開叫嘅魚餅一樣係好有水准， 碟菜心又脆又嫩， 好少係街食到咁靚嘅菜心。 兩個主食都達到我哋嘅期望。 霸氣招牌粉有牛小排，一大嚿牛尾，啲肉煲得又淋又滑，仲有一大條肥美嘅牛筋，碗湯入面有洋蔥， 肥嘟嘟芽菜同埋香菜，加啲青檸同辣椒食 ，非常過癮
喺東薈城搵食，見到有越南菜 ，又多人排隊，一定係好嘢， 終於等到位 ，急急腳掃碼點餐。
33 瀏覽
0 讚好
0 留言
有一個二人套餐好抵食， 有兩個主菜 ，一個小食拼盤，仲有兩杯特色飲品 ，都係二百幾。
兩個大食怪 想試多啲嘢，於是又點咗3款小食， 特價60蚊啫 ，一個特色甜品椰汁椰青糕，一個特式魚餅，再加多一碟靚菜心， 點住咁多先啦 。餐廳喺7樓，全部都係食肆 ，唯獨呢間係最多人排隊， 當然係又抵食又好食啦。 我哋嗌咗兩個主食， 香茅豬扒雞湯金邊粉 ，另一個係越式霸氣招牌粉， 小食拼盆就有兩條蔗蝦， 兩條靚靚春捲， 兩大隻蒜蓉炸雞翼，仲有香茅豬扒， 中間放咗啲酸蘿蔔 ，仲有青檸。
成個小食拼盤非常搶眼， 顏色靚味道正。 蔗蝦肉爽鮮甜， 春捲幼長鬆脆， 蒜蓉雞翼皮脆肉嫩， 蒜香味濃 ，仲有香茅豬扒 ，炸得啱啱好，金黃多汁， 酸蘿蔔絲啱啱好起平衡作用。 每樣小食都整得好出色， 另開叫嘅魚餅一樣係好有水准，
碟菜心又脆又嫩， 好少係街食到咁靚嘅菜心。
兩個主食都達到我哋嘅期望。 霸氣招牌粉有牛小排，一大嚿牛尾，啲肉煲得又淋又滑，仲有一大條肥美嘅牛筋，碗湯入面有洋蔥， 肥嘟嘟芽菜同埋香菜，加啲青檸同辣椒食 ，非常過癮 。
香茅豬扒雞湯金邊粉， 豬扒仲大過我塊面， 用刀叉嚟享受 ，食得好滿足。
仲要讚下套餐包埋嘅兩杯特色飲品，我最鍾意嘅就係薏米水，入面有大大粒嘅薏米，少少甜 ，呢個天時飲嚟去濕真係絕配 。
最後梗係要食甜品， 兩舊心形嘅椰汁糕 ，清香爽甜 ，我鍾意椰青糕多啲，因為平時食唔到 。
成餐飯都見到門口有人排隊 ，真係好好生意， 下次要再嚟試下其他嘢。
張貼
