定食 Doraya (駱克道)

營業中

休息中

香港的刺身丼餐廳越開越多，呢間以專賣藍鯨吞拿魚為招徠，吸引左唔少吞拿魚愛好者☺️店內地方狹窄，座位不多，通常都要搭枱。食品選擇都算幾多，可以選擇佢set好嘅刺身丼，又或者可以自選刺身。第一次嚟當然要試多幾款啦～🤤大腩、深海池魚、油甘魚丼專賣吞拿魚就當然要叫返個吞拿魚腩啦～揀左個最肥美既部位——吞拿魚大腩😍加埋池魚同油甘魚。大腩好肥美，油脂充斥住整個口腔，入口即溶，好正！池魚望落同油甘魚差不多，池魚肉質比油甘魚有嚼頭，魚味重啲，油甘魚就甘香啲。飯底係珍珠米加左壽司醋，非常開胃。另外定食會配埋日式蒸蛋、麵豉湯同蔬菜，味道同一般既日本餐廳差不多。個人比較推介吞拿魚腩！