駟馬拖車潮州飯店 (MOSTown新港城中心(4期)) (已結業)

今晚去咗馬鞍山廣場影貓佈置 ，順便食晚飯，見有間潮州酒樓望落去好光猛而且廚房對外感覺乾淨，師傅切緊鹵水鵝好吸引，就入去試試。裏面裝修都好有中式格調，坐得好舒服。鹵水鵝片色水好靚賣相不錯，師傅切得鵝片夠哂薄，肉質鮮嫩肥瘦適中， 分量都唔少，排得密麻麻， 滷水醬汁調得剛剛好，蓋著鹵水豆腐，同樣嫩滑美味。Xo醬海鮮炒粉絲上枱時熱辣辣出曬煙兼香噴噴，令人食慾大增。主要海鮮配料有小蝦、帶子， 滿滿的鋪在粉絲上，粉絲炒得夠火候，雖然XO酱吾算突出，但調味搭夠。潮州蠔仔粥我哋兩個人share一碗，原來份量都唔少，蠔仔 size唔細，分量都幾多，加上魚乾、肉碎更添滋味。金絲糖蛋散不過不失， 有三大塊，唔會太甜，作為餐後甜品都唔錯。