八時神仙草 (厚福街)

營業中

休息中

女士食甜品用第二個胃就大家都知，但我食甜品係有三個胃㗎🤭！今日飯後嚟到厚福街”八時神仙草”，非常驚喜，好食到嘩嘩聲，重點係食物唔甜，令我可以食到食物本來嘅味道。芋芋奶蓋麻糬雪花盛盤 $98已包含超Q芋圓(來自台灣的大甲芋頭)、薯圓、珍珠、紅豆、麻糬(超喜歡)，底層配上仙草冰，一啖多重味道多重口感，仲可以根據個人口味額外加倍其他配料如雪糕及西米等等。圓仔芒果嫩仙草盛盤 $58除咗芒果、小丸子、仙草之外，旁邊同樣配上紅豆、芋圓及珍珠，值得一提，八時的仙草的味道零舍唔同，口感特別滑嫩。蜂蜜柚子烏龍茶凍 $38蜂蜜及柚子醬比例適中，每一啖都感受到柚子香香，再加上仙草滑嫩嘅口感。