影片
更多
2021-06-21
191 瀏覽
今日同老公去大埔買嘢，買完嘢又係晚飯時候，老公話想食西餐，所以就黎左呢度。呢間餐廳唔算大，又唔算細，環境寧靜舒服，最緊要就係乾淨整齊。呢度晚餐選擇都幾多，有成十幾個餐，想食咩款式都有。晚餐包餐湯，餐飽同飲品，加14蚊仲可以食埋佢哋嘅自家製甜品添。是日餐湯係龍蝦湯，龍蝦味道濃，鹹鹹地，都幾好味。另外餐包食落口仲係暖笠笠，軟淋淋，幾好食。餐飲我哋叫咗兩杯凍檸茶，兩杯飲品大大杯，好冰凍，啱曬呢啲咁熱嘅天氣。味道正常，糖水自己加，想幾甜都得。主菜我叫咗個烤石斑魚柳配芥末籽燒汁，石斑魚柳長長，皮烤得香，魚肉好滑，一啲腥味都冇，燒汁甜甜地，同條魚好夾。伴菜有西蘭花，甘筍仔同埋薯蓉。薯蓉裡面有粒粒薯仔，食落仲好有咬口。老公叫咗個WM威靈頓牛柳，個樣吸引就唔駛講。切開牛柳仲紅紅地，佢瘦得黎又唔覺得鞋同乾，外層酥皮鬆脆，點啲燒汁一齊食，食落有口感，加埋旁邊伴菜，老公話好好食，好飽。佢哋嘅甜品係自家製，梗係要叫啦。我叫咗件檸檬芝士蛋糕，檸檬味淡淡，芝士加埋忌廉口感幼滑，唔太甜，值得食。
呢間餐廳唔算大，又唔算細，環境寧靜舒服，最緊要就係乾淨整齊。
呢度晚餐選擇都幾多，有成十幾個餐，想食咩款式都有。晚餐包餐湯，餐飽同飲品，加14蚊仲可以食埋佢哋嘅自家製甜品添。
是日餐湯係龍蝦湯，龍蝦味道濃，鹹鹹地，都幾好味。另外餐包食落口仲係暖笠笠，軟淋淋，幾好食。
餐飲我哋叫咗兩杯凍檸茶，兩杯飲品大大杯，好冰凍，啱曬呢啲咁熱嘅天氣。味道正常，糖水自己加，想幾甜都得。
主菜我叫咗個烤石斑魚柳配芥末籽燒汁，石斑魚柳長長，皮烤得香，魚肉好滑，一啲腥味都冇，燒汁甜甜地，同條魚好夾。伴菜有西蘭花，甘筍仔同埋薯蓉。薯蓉裡面有粒粒薯仔，食落仲好有咬口。
老公叫咗個WM威靈頓牛柳，個樣吸引就唔駛講。切開牛柳仲紅紅地，佢瘦得黎又唔覺得鞋同乾，外層酥皮鬆脆，點啲燒汁一齊食，食落有口感，加埋旁邊伴菜，老公話好好食，好飽。
佢哋嘅甜品係自家製，梗係要叫啦。我叫咗件檸檬芝士蛋糕，檸檬味淡淡，芝士加埋忌廉口感幼滑，唔太甜，值得食。
張貼
